Статьи

So‘nggi 3 kun ichida Buxoro viloyatida 6 marta yer qimirladi. Eng oxirgi zilzila bugun, 22-may kuni soat 10:44 da Jondor tumanida sodir bo‘ldi. Magnitudasi 4 bo‘lgan zilzila 10 kilometr chuqurlikda yuz bergan. Yer silkinishi Gazlida 2–3 ball, Peshku, Qorako‘l va Jondorda 2 ball atrofida sezilgan. Ketma-ket zilzilalar odamlarni xavotirga solayotgan bo‘lsa-da, mutaxassislar vaziyat nazorat ostida ekanini aytmoqda. Xo‘sh, bu hali davom etadimi?

Afg‘onistonda qashshoqlik va ocharchilik shu darajaga yetdiki, ayrim oilalar farzandlarini sotishga majbur bo‘layotganini aytmoqda. G‘ur viloyatida yashovchi Abdul Rashid Azimiy 7 yoshli egizak qizlaridan birini sotib, qolgan bolalarini bir necha yil boqish mumkinligini aytgan. BMT ma’lumotlariga ko‘ra, mamlakatda millionlab odam ochlik yoqasida yashamoqda. Xo‘sh, Afg‘onistondagi bu og‘ir vaziyat yana qanchaga davom etadi?

O‘zbekistonda yangi tezyurar temiryo‘l qurilishi rejalashtirilmoqda. Dastlab Toshkent va Samarqand orasida quriladigan yangi magistral keyinchalik Xivagacha uzaytirilishi mumkin. Agar loyiha to‘liq amalga oshsa, Toshkentdan Xivagacha borish vaqti hozirgi 7,5 soatdan 5 soatgacha qisqaradi.

Rossiya Tashqi ishlar vaziri o‘rinbosari Mixail Galuzin AQSh va Yevropa davlatlari Markaziy Osiyoda tobora faol harakat qilayotganini aytib, bu holat Moskvani xavotirga solayotganini bildirdi. Uning fikricha, G‘arb mintaqada Rossiya ta’sirini kamaytirishga urinmoqda. Xo‘sh, Markaziy Osiyo yana yirik davlatlar kurash maydoniga aylanib qoladimi?

24-maydan 7-iyungacha Parijda dunyoning eng nufuzli tennis musobaqalaridan biri — “Roland Garros” start oladi. Bu safar turnirda O‘zbekiston vakillari ham kortga chiqadi.

Afg‘onistonda “Tolibon” qabul qilgan yangi oila qonuni xalqaro miqyosda keskin tanqidlarga sabab bo‘ldi. 31 moddadan iborat qonunga ko‘ra, balog‘at yoshiga yetgan qizning sukuti ayrim hollarda nikohga rozilik deb qabul qilinishi mumkin. Shuningdek, hujjatda voyaga yetmaganlar nikohi, majburiy ajrashish va oilaviy masalalar bo‘yicha “Tolibon” sudlariga keng vakolatlar berilgan. Inson huquqlari faollari esa bu qaror ayollar huquqlarini yanada cheklashini aytmoqda. Xo‘sh, bu qonun Afg‘onistondagi ayollar hayotiga qanday ta’sir qiladi?

AQSh va Eron o‘rtasidagi vaziyat tobora xavfli tus olayotgan bir paytda Yaqin Sharqdagi yangi sirli reja haqida gap-so‘zlar tarqaldi. G‘arb OAVlariga ko‘ra, Donald Tramp ma’muriyatiga yaqin ayrim odamlar Birlashgan Arab Amirliklarini Eronga qarashli strategik hudud hisoblangan Lavan oroli bosib olishni taklif qildi.

1-iyundan boshlab O‘zbekistonda elektr energiyasi va tabiiy gaz uchun yangi tariflar kuchga kiradi. Hukumatning yangi qaroriga ko‘ra, ayrim toifalar uchun narxlar o‘zgarmaydi, aholi uchun esa tabaqalashtirilgan tizim saqlab qolindi. Endi qancha ko‘p ishlatsangiz, to‘lov ham shunga qarab oshadi. Xo‘sh, yangi tariflarda kim qancha to‘laydi?

AQSh prezidenti Donald Tramp 2017-yildan beri ilk bor Xitoyga tashrif buyurdi va Pekinda Si Szinpin bilan ikki soatdan ortiq muzokara olib bordi. Uchrashuv AQSh va Xitoy o‘rtasidagi savdo urushi, Tayvan mojarosi va texnologik raqobat kuchaygan paytda bo‘lib o‘tdi. Muzokaralarda Eron atrofidagi vaziyat ham muhokama qilingan. Tramp bilan birga Pekinga Ilon Mask, Tim Cook va Jensen Huang kabi yirik texnologiya kompaniyalari rahbarlari ham borgan. Xo‘sh, Tramp va Si Szinpin nimani kelishib oldi?

Oq uyga yaqin manbalarga ko‘ra, Donald Tramp o‘ziga suiqasd uyushtirilishi ehtimolini hisobga olib, vitse-prezident Jey Di Vens uchun maxsus ko‘rsatmalar yozib qoldirgan. Bu ma’lumotni Tramp ma’muriyatining sobiq antiterror strategiyasi rahbari Sebastyan Gorka aytdi. So‘nggi yillarda Trampga bir necha bor suiqasd qilishga urinish bo‘lgani uchun bu xabarlar yana katta shov-shuvga sabab bo‘ldi.