Uzum Market sotuvchilar uchun yo‘riqnomadagi qoidalarni yangilamoqda

2026-yil 9-noyabrdan boshlab Uzum Market sotuvchilarga tovar kartochkalarida o‘lcham setkalarini ko‘rsatishni tavsiya etadi. Bu xaridorlarga mos o‘lchamni osonroq topishga, sotuvchilarga esa qaytarishlarni kamaytirishga va tovar kartochkalari reytingini yaxshilashga yordam beradi.

O‘lcham setkalarini kiyim-kechak, poyabzal, aksessuarlar va boshqa o‘lcham tavsiflariga ega bo‘lgan tovarlar uchun to‘ldirish zarur. Parametrlarni tovar kartochkasini to‘ldirishning uchinchi bosqichida qo‘shish mumkin.

O‘lchamlar jadvalini qanday to‘ldirish va tovarlarni to‘g‘ri o‘lchash haqida batafsil ma’lumotni havola orqali olishingiz mumkin.

Shuningdek, 2026-yil noyabr oyining 9 sanasidan boshlab marketing aksiyalarida ishtirok etish qoidalariga kiritilgan o‘zgartirishlar kuchga kiradi. Ushbu o‘zgartirishlar buyurtmalar bekor qilinganda yoki tovarlar qaytarilganda ishtirok etish qiymatini qayta hisoblash tartibini aniqlashtiradi, bir xil asos bo‘yicha takroriy ushlab qolishlarning oldini oladi hamda hisoblangan summalar yuzasidan e’tiroz bildirish imkoniyatini nazarda tutadi. Batafsil ma’lumot bilan havola orqali tanishishingiz mumkin.

Bundan tashqari, «Yilning katta aksiyasi 11.11» aksiyasini o‘tkazish qoidalari ham aniqlashtiriladi. Jumladan, aksiya chegirmasi miqdorini aniqlash, uni hisoblash va taqsimlash tartibi, shuningdek, chegirmali narxning servisda qanday aks ettirilishi belgilanadi. Aksiyada ishtirok etish shartlari bilan batafsil havola orqali tanishishingiz mumkin.

Uzum Market marketpleysda ishlash sharoitlarini takomillashtirishda davom etmoqda, sotuvchilar bilan o‘zaro aloqani yanada shaffof va qulay qilmoqda.