Статьи

«Ватанимизнинг спорт соҳасидаги улкан салоҳиятини тобора кенгроқ намоён этиш учун 2024 йилда Парижда бўладиган Паралимпия ўйинларига бугундан бошлаб аниқ тизим асосида тайёргарлик кўришимиз зарур. Келгуси мусобақаларга стол тенниси, қиличбозлик, камондан отиш, велоспорт, от спорти, бадминтон сингари турлар бўйича ҳам йўлланмалар учун курашиш керак. Биринчидан, бўлғуси Паралимпия ўйинларига пухта ҳозирлик кўриш учун, хорижий мамлакатлардан энг тажрибали мутахассис ва мураббийларни жалб қиламиз. Шу билан бирга, жойларда жисмоний имконияти чекланган фуқароларимиз ўртасида, пара-лимпия ҳаракатини ривожлантириш дастурларини ишлаб чиқиб, амалга оширишимиз зарур. Иккинчидан, пара-спорт турлари бўйича иқтидорли атлетларни саралаш ва уларнинг захирасини шакллантириш тизимини такомиллаштириш лозим. Спорт таълими масканларида тегишли ўқитиш дастурлари ва методикасини жорий қилиш билан бирга, уларда пара-лимпия бўлимларини ташкил этиб, қўшимча квоталар ажратамиз. Икки ой муддатда спорт мактабларида жисмоний имконияти чекланган болалар учун махсус гуруҳлар фаолиятини йўлга қўйсин. Учинчидан, жисмоний имконияти чекланган ёшлар орасида спортга қизиқиши кучли бўлган йигит-қизлар кўплаб топилади. Тиббий-ижтимоий эксперт комиссияси билан ҳамкорликда, жойларда селекция ишларини тизимли йўлга қўйиш лозим. Тўртинчидан, паралимпия спорт турлари бўйича тренерларни тайёрлаш ҳамда уларни ижтимоий қўллаб-қувватлашга ҳам алоҳида эътибор қаратиш лозим. 2022/2023 ўқув йилидан бошлаб, Ўзбекистон Миллий пара-лимпия қўмитаси қошида Пара-лимпия спорт турлари бўйича мутахассисларни тайёрлаш институти фаолиятини ташкил этиш чораларини кўрсин. Бешинчидан, пара-спортчиларни мунтазам равишда тиббий кўрикдан ўтказиш, жисмоний ва руҳий тайёргарлигини ошириш мақсадида, уларни Республика спорт тиббиёти илмий-амалий марказига бириктирсин. Шунингдек, улар махсус дори-дармон ҳамда халқ табобати воситалари билан таъминлансин. “Амирсой” тоғ-чанғи спорт мажмуаси ҳамда “Ҳумо-Арена” муз саройи базаларида пара-лимпиячилар учун шароит яратиш зарур. Яна бир муҳим масала – Ўзбекистон Миллий пара-лимпия қўмитасининг пара-спорт бўйича юқори натижаларга эришган спортчи ва мураббийларни кенг жалб этган ҳолда, Қўмита таркибида “Матонат мактаби”ни ташкил этишни таклиф қиламан. Бу борада ёшлар ўртасида спорт тадбирларини ташкил этиш ва ўтказишга масъул бўлган махсус инструктор ва ташкилотчиларни тайёрлаш тизимини йўлга қўйиш талаб этилади», - деди Президент.

Ана шу қимматли 19 та медалнинг 11 таси, шижоатли спортчи қизларимиз томонидан қўлга киритилгани, тарихимизда мисли кўрилмаган воқеадир.

Келгуси йили банклар томонидан халқаро молия бозорларида 5 триллион сўмлик миллий валютада евробондлар чиқарилади.

Айни пайтда Ўзбекистон форумлар саройида Президент Шавкат Мирзиёевнинг тадбиркор ва ишбилармонлар билан очиқ мулоқоти давом этмоқда.

Бугун, 13 август куни Шавкат Мирзиёев Токио Олимпиадасида иштирок этган спортчилар, уларнинг ота-оналари ва мураббийлари билан учрашув чоғида Олимпия ўйинлари ғолиб ва совриндорларига, уларнинг ота-оналарига миннатдорчилик билдирди.

Президент Шавкат Мирзиёев Токио Олимпиадасида иштирок этган спортчилар, уларнинг ота-оналари ва мураббийлари билан учрашув чоғида кўп йиллар давомида спорт гимнастикаси билан шуғулланиб, халқаро миқёсда шуҳрат қозонган ажойиб спортчи – Оксана Чусовитинанинг хизматларини алоҳида ҳурмат билан тилга олиб унга “Ўзбекистон Республикасида хизмат кўрсатган спорт устози” фахрий унвони бериганини маълум қилди.

Агробанк ташаббуси билан халқаро экспертлар билан ҳамкорликда соҳадаги мутахассисларни қайта тайёрлаш ва хорижий тажрибаларга асосланган энг сўнгги замонавий билимларни бериш, уларнинг маҳоратини ошириш мақсадида “Ўсимликларни ҳимоя қилиш билимлари” ўқув курси йўлга қўйилди. Мазкур ўқув курсининг сентябрдан декабргача давом этадиган мавсуми учун қабул бошланди.

Мудофаа вазирлиги Санитария-эпидемиология назорати маркази бошлиғи тиббий хизмат подполковниги Жамшид Шакиров Ўзбекистон армияси деярли тўлиқ коронавирусга қарши эмлангани ҳақида маълум қилди.

2021 йил 12 август куни Гулистон тумани ҳокимлигида бўлиб ўтган Халқ депутатлари Гулистон туман Кенгашининг навбатдан ташқари сессиясида депутатлар бир овоздан вилоят ҳокими Ғофуржон Мирзаев Гулистон тумани ҳокими лавозими учун тавсия этган Бегимқулов Сайдимқул Шойимқулович номзодини номзодини маъқуллашди.

Ўзбекистон озиқ-овқат саноатидаги етакчи компаниялардан бири – 2016 йилда ташкил этилган “Saxovat Broiler” паррандачилик фермаси мазкур йўналишда «ҳалол» ўзбек сертификатини олган дастлабки парранда фабрикаси бўлди.