Rossiya hukumati qoidabuzar migrantlarni amnistiya qilish masalasini ko‘rib chiqmoqda
Ichki ishlar vazirligi Rossiya Federatsiyasida hozirda 630 mingga yaqin noqonuniy muhojir borligini – ular asosan bo‘lish rejimi, ikki yoki undan ortiq ma’muriy huquqbuzarliklar yoki noqonuniy mehnat faoliyati tufayli bu maqomni olganini aytgan.
1 daqiqa o‘qiladi
Bu chora-tadbir 2025-yilda nazorat ostidagi shaxslar reyestrini joriy qilish oldidan ayrim chet ellik huquqbuzarlarga nisbatan dastlabki yengillik sifatida ko‘rilmoqda.
630 mingga yaqin noqonuniy migrant
Shunday bo‘lsa-da, uning talablarini tavsiflovchi me’yoriy hujjatlar hali mavjud emas. Bundan tashqari, unga kiritilishi kerak bo‘lgan ma’lumotlar miqdorini kamaytirish uchun hukumat ayrim chet ellik huquqbuzarlarga nisbatan dastlabki amnistiyani muhokama qilmoqda. Ichki ishlar vazirining birinchi o‘rinbosari Aleksandr Gorovoy hukumat komissiyasining yig‘ilishida Rossiya Federatsiyasida hozirda 630 mingga yaqin noqonuniy muhojir borligini – ular asosan bo‘lish rejimi, ikki yoki undan ortiq ma’muriy huquqbuzarliklar yoki noqonuniy mehnat faoliyati tufayli bu maqomni olganini aytgan.
Amnistiya qo‘llashga sabab nima?
“Agar siz ularning barchasini bir vaqtning o‘zida reyestrga qo‘shsangiz, hech qanday IT infratuzilmasi uni ko‘tara olmaydi. Nisbatan kichik jinoyat sodir etganlar uchun amnistiya qo‘llashdan boshlash oqilona bo‘lardi”, – degan Aleksandr Gorovoy. Bu taklif FSB tomonidan qo‘llab-quvvatlanishi mumkin, deb ta’kidladi FSB Birinchi xizmatini boshqaradigan Vladislav Menshikov. 2025-yildan boshlab mehnat muhojirlari uchun nazorat ostidagi shaxslar reyestri ishga tushirilishi kerak. Ko‘rinib turibdiki, uning ishga tushirilishidan oldin migrantlarga amnistiya shaklida yengillik bo‘lishi mumkin, bu esa o‘z navbatida ijobiy yangilik va adolatli qarordir.
