Ўзбекистон иқтисодиётида пасайиш бўлиши айтилмоқда

Европа тикланиш ва тараққиёт банки Ўзбекистон иқтисодиёти бўйича энг ёмон прогнозни эълон қилди. Унга кўра, мамлакат иқтисодиёти ўсиши 2020 йилда -2 фоизга тушиб кетади. Келаси йилда эса ялпи ички маҳсулот 4,5 фоизга ўсиши прогноз қилинган.

Аввалроқ май ойидаги ҳисоботида ЕТТБ Ўзбекистон иқтисодиёти 2020 йил 1,5 фоизга, кейинги йил эса 6,5 фоизга ўсишини прогноз қилган эди.

Мамлакат иқтисодиёти 2019 йилги ўсиш кўрсаткичларига эса 2022 йилнинг биринчи чорагида етиб бориши мумкин.