Sariq rangdan, qo‘rquvdan yoki soqoldan qo‘rqish — eng g‘ayraoddiy qo‘rquvlar qaysilar?

Qo‘rquv — inson evolyutsiyasining eng kerakli hamda foydali masuli bo‘lib, odamzod ayni u sababli ham intellektual, ham texnologik taraqqiyotni jadallashtirgan. Turli yirtqich hayvonlar, tabiiy ofatlar hamda o‘zaro qabilaviy janglarda qo‘rquv sababli ham kishilar yangiliklar qilishga intilishgan. Shuningdek, qo‘rquv inson axloqining ajralmas qismi ham hisoblanadi. Ammo, shunday bir qo‘rquv turlari ham borki, bunday fobiyalar biroz kulgili, biroz hayratlanarlidir. Quyida shunday noodatiy qo‘rquvlar haqida gaplashamiz.

Araxibutirofobiya

Araxibutirofobiya — yeryong‘oq moyi og‘izning tanglay qismiga yopishishidan qo'rqish. Bu fobiya odamlarni yeryong'oq moyini iste'mol qilishdan saqlaydi, chunki ular moy tanglay bo‘shlig‘iga yopishib qolishidan qo'rqishadi.

Hippopotomonstroseskvipedaliofobiya

Hippopotomonstroseskvipedaliofobiya — uzun so'zlardan qo'rqish. Ironik tarzda, bu fobiya nomi o'zi juda uzun bo'lib, uzun so'zlardan qo'rqadigan odamlar uchun qo'rqinchli bo'lishi mumkin.

Nomofobiya

Nomofobiya — mobil telefonsiz qolishdan yoki aloqadan uzilishdan qo'rqish. Zamonaviy texnologiya asrida keng tarqalgan fobiya, odamlar telefonsiz qolish yoki tarmoqdan uzilishdan qo'rqishadi.

Xansofobiya

Xansofobiya— sariq rangdan yoki "sariq" so'zidan qo'rqish. Bu fobiya sariq rangdagi narsalardan, masalan, quyosh yoki gullardan qo'rqishga olib keladi.

Omfalofobiya

Omfalofobiya — Kindiklardan qo'rqish. Odamlar o'zining yoki boshqalarning kindiklariga tegish yoki qarashdan qo'rqishadi.

Fobofobiya

Inson ba’zan qo‘rqishdan ham qo‘rqishi mumkin. Ha, qanchalik g‘alati tuyulmasin, aynan shunday fobiya turi mavjud hamda u fobofobiya deb ataladi. Bu metafobiya bo'lib, odamlar qo'rquv hissining o'zidan qo'rqishadi, bu esa boshqa fobiyalarning rivojlanishiga olib kelishi mumkin.

Pogonofobiya

Ehtimol, bu so‘z sizga tanishdir. Chunki norasmiy tarzda u yoki bu hududlarda soqolga qarshi reydlar bo‘layotganligi haqida eshitgan bo‘lishingiz tabiiy. Va aynan bu shunday nomlanadi. Pogonofobiya soqolli odamlar bilan uchrashish yoki ularning soqollariga qarashdan qo'rqish bilan tavsiflanadi.

Foto: rus.azattyq.org

Ablutophobia

Ablutofobiya gigiyena bilan bog'liq bo'lib, odamlar suv bilan aloqa qilishdan qo'rqishadi. Ular yillab yuvinmasliklari, hatto nam sochiqlardan ham foydalanmasliklari mumkin.

Globofobiya

Globofobiya — sharlar yoki ularning portlashidan qo'rqish. Sharlarning portlashi yoki ularning yaqinida bo'lishdan qo'rqish, bu fobiya bolalar va kattalarda uchrashi mumkin.

Coulrofobiya

Masxarabozlarning ko'rinishi, grimlari yoki harakatlaridan qo'rqish, ko'pincha filmlar yoki bolalik travmalari bilan bog'liq. Masalan, Stiven King asari asosida olingan “U” filmidan so‘ng bu qo‘rquv ancha ommalashgan edi.