Ўзбекистон йил бошидан буён салкам 6 млрд долларлик олтин экспорт қилди

Йил бошидан буён Ўзбекистон салкам 6 млрд долларлик олтин экспорт қилган. Бу ҳақда Статистика қўмитаси ахбоорт хизмати хабар берди.

Маълум қилинишича, жорий йилнинг январь-сентябрь ойларида Ўзбекистон олтин экспортнинг ҳажми 5 млрд 804,4 млн АҚШ долларини ташкил этди.

Маълумот учун, жорий йилнинг январь-сентябрь ойларида Ўзбекистонда экспортёрлар сони 5 минг 389 тани ташкил этиб, улар томонидан 6 млрд 666,8 млн AҚШ доллари (қимматбаҳометаллар экспортидан ташқари) қийматидаги товар ва хизматлар экспорт қилинди. Бироқ ҳамкор мамлакатларнинг товарлар ва хизматлар экспорти бўйича географияси 2019 йининг мос даврига нисбатан 169 давлатдан 144 давлатга камайди.