Instagramda fotosuratlarga stiker va matn qo‘shish funksiyasi qo‘shildi

Bundan tashqari, bitta fotosuratni ikkinchisining ustiga qo‘yish va qo‘yilgan tasvirning shaklini o‘zgartirish mumkin.

Yangi funksiya

“Instagram” ijtimoiy tarmog‘i to‘g‘ridan-to‘g‘ri post muharririda fotosuratlarga matn va stikerlarni qo‘shish funksiyasini qo‘shdi.

Ilgari buni faqat uchinchi tomon tasvirni tahrirlash ilovalari yordamida amalga oshirish mumkin edi.

Fotosurat ustida ishlashda qulaylik

Bundan tashqari, bitta fotosuratni ikkinchisining ustiga qo‘yish va qo‘yilgan tasvirning shaklini o‘zgartirish: masalan, uni to‘rtburchak, doira, kvadrat, yurak yoki yulduz shaklida taqdim etish mumkin.

Yana “Stories” va “Reels” foydalanuvchilari yangi shriftlar va turli animatsiya va effektlardan foydalanish imkoniyatiga ega bo‘ldi.

Qayd etilishicha, bu matnning jozibadorligini oshirishga va vizual jihatdan o‘ziga xos kontent yaratishga yordam beradi.

So‘nggi o‘zgarishlar

Avvalroq “Instagram”da profilga qo‘shiq ulab qo‘yish funksiyasi ishga tushirilgani haqida xabar berilgandi.

Funksiya ilovaning so‘nggi versiyasida mavjud bo‘lib, qo‘shiq qo‘shish va profil sozlamalarida ijro etish uchun 30 soniyalik parchani tanlash mumkin.