Respublikamizda tashqi savdo aylanmasi 20 milliard dollardan oshdi

2024-yilning yanvar-aprel oylarida Oʻzbekiston jahonning 186 ta mamlakati bilan savdo aloqalarini amalga oshirib, tashqi savdo aylanmasi hajmini 20,9 mlrd AQSh dollariga yetkazgan.

Eksport 9%ga import esa 3,9%ga oshgan

Statistika agentligi maʼlumotlariga koʻra, Oʻzbekiston 4 oyda 186 ta mamlakat bilan savdo aloqalarini amalga oshirgan. TSAning nisbatan salmoqli hissasi Xitoy (19 %), Rossiya (18,4 %), Qozogʻiston (5,9 %), Turkiya (4,4 %) va Koreya Respublikasida (3,3 %) qayd etilgan.

• Eksport – 8,5 mlrd (9 % ga oshgan)
• Import – 12,4 mlrd (3,9 % ga oshgan)

Oʻzbekistonning tashqi savdo aylanmasi 5,9 % ga oshgan

2024-yilning yanvar-aprel oylarida Oʻzbekiston Respublikasining tashqi savdo aylanmasi 20,9 mlrd AQSh dollariga yetgan.

Tashqi savdo aylanmasi hajmi 2023-yilning mos davri bilan solishtirilganda 1,2 mlrd AQSh dollariga yoki 5,9 % ga oshgan.

 Toshkent shahri Oʻzbekistonning tashqi savdo aylanmasi tarkibida eng yuqori 38,8 % ulushni egallagan. Toshkentning tashqi savdo aylanmasi hajmi 4 oyda qariyb 8,1 mlrd AQSh dollarini tashkil qilgan.

Oʻzbekiston tashqi savdo aylanmasidagi TOP: 10 davlatlar

Qayd etilishicha, 2024-yilning yanvar-aprel oylarida Oʻzbekiston Respublikasi tashqi savdo aylanmasida yuqori ulushga ega boʻlgan hamkor davlatlar (AQSh dollarida):

• Xitoy – 3,9 mlrd
• Rossiya – 3,8 mlrd
• Qozogʻiston – 1,2 mlrd
• Turkiya – 920,2 mln
• Koreya – 695 mln
• Fransiya – 386,4 mln
• Germaniya – 345 mln
• Afgʻoniston – 308,6 mln
• Turkmaniston – 288,5 mln
• Hindiston – 270,3 mln