Ўзбекистон экспортининг ҳажми йил бошидан буён 12,5 млрд долларни ташкил этди

Йил бошидан буён Ўзбекистон экспортининг ҳажми 12,5 млрд AҚШ долларини ташкил қилди. Бу ҳақда Статистика қўмитаси ахборот хизмати хабар қилди.

Қайд этилишича, 2020 йилнинг январь-сентябрь ойларида экспорт ҳажми 12 млрд 471,3 млн AҚШ долларини ташкил қилиб, ўтган йилнинг шу даврига нисбатан 6,0 % га камайди.

Жумладан, жорий йилнинг январь-сентябрь ойлари якуни бўйича асосий ҳамкор давлатлар таркибида Хитой Халқ Республикасига 1 млрд 371,5 млн долларлик, Россия Федерациясига 1 млрд 055,1 млн долларлик, Туркияга 650,9 млн долларлик, Қозоғистонга 646,2 млн долларлик, Қирғизистонга 561,1 млн долларлик, Aфғонистонга 541,3 млн долларлик ва Тожикистонга 289,1 млн долларлик товар ва хизматлар экспорти амалга оширилган.