Markaziy bank reyd boshladi

Markaziy bankning matbuot xizmati xabar berishicha, Bank nazorati qo‘mitasi tomonidan 2024-yilning fevral oyidagi yig‘ilishlarda 31 ta masala ko‘rildi va ularda tegishli qarorlar qabul qilindi. https://cbu.uz/oz/press_center/news/1627502/

Masalalar ro‘yxati

Qayd etilishicha, ro‘yxatga olish va ruxsat berish yo‘nalishida 18 ta masala, xususan, 3 ta kredit tashkilotlari ustaviga kiritilgan o‘zgartirishlarni ro‘yxatdan o‘tkazish, 2 ta kredit tashkilotlarining ustav fondidagi ulushiga egalik qilish uchun ruxsat berish , 1 ta kredit tashkilotlarini litsenziyalash, 3 ta mikromoliya tashkilotlari faoliyatini amalga oshiruvchi tashkilotlar reyestriga kiritish va hisob ro‘yxatidan o‘tkazish hamda 9 ta tijorat banklari kuzatuv kengashi va boshqaruvi a’zolari, shuningdek, muhim ahamiyatga ega xodimlarining nomzodlarini ko‘rib chiqish kabi masalalar ko‘rib chiqildi.

Kredit tashkilotlarining moliyaviy holati bo‘yicha 13 ta masala

Kredit tashkilotlarining moliyaviy holati bo‘yicha (13 ta masala) banklar va to‘lov tashkilotlari tomonidan Markaziy bank ko‘rsatmalari va prudensial me’yorlari talablarining bajarilishi, banklar va mikromoliya tashkilotlarida o‘tkazilgan o‘rganishlar natijalari muhokama qilindi.

Sanksiya va ogohlantirishlar

O‘rganish natijalariga ko‘ra, Markaziy bank me’yoriy-huquqiy hujjatlari talablariga rioya qilinishi ta’minlanmaganligi sababli 3 ta bankka nisbatan jarima sanksiyasi qo‘llagan. Shuningdek, 5 ta bank va ipotekani qayta moliyalashtirish kompaniyasi chora va sanksiyalar qo‘llanilishi to‘g‘risida ogohlantirildi.

Banklarga ko‘rsatmalar

Bundan tashqari, Qo‘mita tomonidan bank tizimi barqarorligini saqlash, omonatchilar va investorlar huquqlarini himoya qilish prinsipidan kelib chiqib, tijorat banklari boshqaruvlari va mikromoliya tashkilotlari rahbariyatlariga aniqlangan kamchiliklarni tuzatish, ular bo‘yicha tegishli chora-tadbirlar ishlab chiqish, o‘rnatilgan prudensial normativlarga amal qilish, bank faoliyatida mavjud zaifliklarni bartaraf etish va moliyaviy holatini sog‘lomlashtirishga qaratilgan talablarga rioya qilish yuzasidan tegishli ko‘rsatmalar berildi.