“Real Madrid” va “Lester” skautlari daho: ХХI asrning eng foydali transferlari

Goal nashri I asrning eng foydali transferlar reytingini tuzib chiqdi. Keling, ro‘yxatni ko‘rib chiqishdan avval siz bilan ba’zi tushunchalarga oydinlik kiritib olamiz. Bu orqali futbol olamiga begona bo‘lgan shaxs bo‘lsangiz-da, mavzu haqida yaxshiroq tushunchaga ega bo‘lasiz. 

Futboldagi transfer tushunchasi 

Futboldagi transfer tushunchasi o‘yinchi bir jamoadan boshqa jamoaga o‘tishini anglatadi. Bu jarayonda jamoalar o‘yinchining kelishuvi bo‘yicha hamkorlik qiladilar, va o‘yinchi o‘zining amaldagi jamoasidan boshqa jamoaga transfer qilinadi. Transfer jarayonida bir necha muhim nuqtalar bor. Masalan, Futbolda transfer qilish uchun maxsus vaqtlar belgilangan, bu vaqt davomida jamoalar o‘yinchilarni sotib olishlari yoki sotishlari mumkin. Transfer oynalari, odatda, ikki marta bo‘ladi: yozda (ehtimol iyundan sentyabrgacha) va qishda (yanvarda). O‘yinchining jamoadan jamoaga o‘tishi uchun yangi jamoa ko‘pincha miqdorda pul to‘laydi. Bu to‘lov o‘yinchi hozirgi jamoasi bilan bo‘lgan shartnoma muddatiga va o‘yinchining salohiyatiga qarab o‘zgaradi. 

Transfer kelishuvlari

Transfer amalga oshishi uchun o‘yinchi ham, uning hozirgi jamoasi ham, yangi jamoa ham kelishib olishlari kerak. O‘yinchi o‘zining shartnomasi va yangi jamoadagi maoshini muzokara qiladi. O‘yinchi va yangi jamoa o‘rtasida yangi shartnoma imzolanadi. Bu shartnomada maosh, bonuslar, shartlarning uzaytilishi yoki bekor qilinishi kabi muhim punktlar ko‘zda tutiladi. Transferdan tashqari, futbolda o‘yinchilarni vaqtinchalik yoki ijaraga berish amaliyoti ham bor. Bu holda, o‘yinchi uzoq muddatga boshqa jamoaga o‘tishdan ko‘ra, ma’lum muddatga ijaraga beriladi va keyin o‘z jamoasiga qaytib keladi. Agar o‘yinchining jamoasi bilan shartnoma muddati tugasa, u "ozod agent" bo‘ladi. Bu holda o‘yinchi erkin ravishda boshqa jamoa bilan shartnoma tuzishi mumkin va jamoalar o‘rtasida transfer to‘lovi bo‘lmaydi. 

Financial Fair Play

Jamoalar transferlarda katta miqdorda pul sarflashlari mumkin, ammo UEFAning Financial Fair Play qoidalariga muvofiq, jamoalarning xarajatlari va daromadlari o‘rtasida muvozanat bo‘lishi kerak. Bu qoida jamoalarning ortiqcha qarzga botmasliklarini ta’minlaydi. Dunyodagi eng yuqori transfer to‘lovlari futbolda katta qiziqish uyg‘otadi. Masalan, Neymarning “Barselona"dan “PSJ"ga 222 million yevro evaziga transferi haligacha dunyodagi eng qimmat transfer hisoblanadi. Futboldagi transfer jarayoni o‘yinchilar va jamoalar uchun moliyaviy va strategik jihatdan muhimdir. Jamoalar kuchli o‘yinchilarni qo‘lga kiritish orqali o‘z imkoniyatlarini yaxshilaydilar, o‘yinchilar esa karerasini rivojlantirish imkoniyatiga ega bo‘ladilar.

Asr reytingi

Endi asosiy mavzuyimizga qaytsak ham bo‘laveradi. Goal nashri narxiga ko‘ra I asrning eng foydali transferlar reytingini tuzib chiqdi. Unda bir qator katta nomlarga ko‘zingiz tushishi aniq.

1. Krishtianu Ronaldu “Sporting”dan “MYU”ga, 2003-yil 12 mln. funtga. 

2. Jeymi Vardi “Flitvud Taun”dan “Lester”ga, 2012-yil 1,7 mln. funtga;

3. Samuel Eto′O “Barselona”dan “Inter”ga, 2009-yil (“Barsa» 46 mln. Zlatan Ibrahimovich uchun 46 mln. yevro va Eto′Oni bergan);

4. Ngolo Kante (ikki marta: 2015-yil “Lester”ga 5,6 mln. funtga va 2016-yil “Chelsi”ga 32 mln. funtga);

5. Riyoz Mahrez “Gavr”dan “Lester»ga, 2014-yil 450 ming funtga;

6. Kaka “San-Paulu”dan “Milan”ga, 2003-yil 8,5 mln. yevroga;

7. Jorjo Kellini “Fiorentina”dan “Yuventus”ga, 2005-yil 7,3 mln. yevroga;

8. Daniel Karvaxal “Bayer”dan “Real”ga, 2013-yil 6,5 mln. yevroga (qayta sotib olish);

9. Marselo “Fluminense”dan “Real»ga, 2007-yil 6,5 mln. yevroga;

10. Rafael Varan “Lans”dan “Real”ga, 2011-yil 10 mln. yevroga.