IIVda yurist, sportda shifokor, ekologiyada iqtisodchi — “yangi” vazirlarning asil mutaxassisligi qanday?

Prezident “O‘zbekiston Respublikasi Vazirlar Mahkamasi a’zolarini tayinlash to‘g‘risida” Farmonni imzoladi. Xo'sh, vazirlarimizning asil mutaxassisligi qanday?

Prezident qarori

21-noyabr kuni Oliy Majlis Qonunchilik palatasi amaldagi hukumat a’zolarining barchasini o‘z lavozimiga qayta ma’qulladi. Shu kuni bosh vazir va vazirlarni lavozimga tayinlash to‘g‘risida prezident qarori qabul qilindi.

• Laziz Kudratov – Toshkent davlat sharqshunoslik institutini tamomlagan. Investitsiyalar, sanoat va savdo vaziri;
• Botir Zaxidov – 2003-yilda Toshkent moliya institutini tamomlagan. Kambag‘allikni qisqartirish va bandlik vaziri;
• Ibroxim Abdurahmonov – 1997-yilda Toshkent davlat universitetining biotexnologiya fakultetini tamomlagan. Qishloq xo‘jaligi vaziri;
• Shavkat Xamrayev – 1986-yilda Toshkent irrigatsiya va melioratsiya institutini tamomlagan. Suv xo‘jaligi vaziri;
• Sherzod Xidoyatov – 2006-yilda Toshkent davlat texnika universitetini tugatgan. Qurilish va uy-joy kommunal xo‘jaligi vaziri;
• Ilhom Mahkamov – 2002-yilda Toshkent avtomobil institutini tamomlagan. Transport vaziri;
• Jo‘rabek Mirzamahmudov – 1999-yilda Toshkent kimyo-texnologiyalari institutini tamomlagan. Energetika vaziri;
• Bobir Islamov – Toshkent davlat texnika universitetini geologiya, foydali qazilma konlarini qidirish va qidirish mutaxassisligi bo‘yicha tamomlagan. Tog‘-kon sanoati va geologiya vaziri;
• Sherzod Shermatov – 1998-yilda Toshkent davlat texnika universitetini tamomlagan. Raqamli texnologiyalar vaziri;
• Aziz Abduhakimov – 1998-yilda Toshkent davlat iqtisodiyot universitetini tamomlagan. Ekologiya, atrof-muhitni muhofaza qilish va iqlim o‘zgarishi vaziri; 
• Bahodir Qurbonov — 1990-yilda O‘zbekiston IIV Oliy tergov maktabiga, 1992-yilda esa O‘zbekiston IIV Oliy maktabiga o‘qishga kirgan. Mudofaa vaziri;
• Po‘lat Bobojonov — 1977-1982 yy. – Toshkent davlat universiteti yuridik fakulteti talabasi. Ichki ishlar vaziri;
• Abdulla Qo‘ldoshev — 1986-yilda Ichki ishlar vazirligi Oliy muhandislik yong‘in-texnik bilim yurtining Toshkent fakultetini tamomlagan. Favqulodda vaziyatlar vaziri;
• Baxtiyor Saidov — 2002-yilda Toshkent davlat iqtisodiyot universitetini tamomlagan. Tashqi ishlar vaziri;
• Akbar Toshqulov — 1994-yilda Toshkent davlat yuridik institutini tamomlagan. Adliya vaziri;
• Ozodbek Nazarbekov — 2007-yilda O‘zbekiston davlat san’at institutini tamomlagan. Madaniyat vaziri;
• Adham Ikromov — 1986—1990-yillarda Leningrad harbiy tibbiyot akademiyasi talabasi. (1990—1992-yillarda Toshkent tibbiyot instituti magistraturasi talabasi). Sport vaziri;
• Qo'ng'iratboy Sharipov — 1981-yilda Toshkent irrigatsiya va qishloq xo‘jaligini mexanizatsiyalash muhandislari instituti qishloq xo‘jaligini mexanizatsiyalash fakultetiga o‘qishga kirgan. Oliy taʼlim, fan va innovatsiyalar vaziri;
• Hilola Umarova — 2013-yilda Jahon iqtisodiyoti va diplomatiya universitetini tamomlagan. Maktabgacha va maktab taʼlimi vaziri.