O‘zbekiston va Rossiya tovar ayirboshlash hajmini 30 mlrd.gacha oshirmoqchi
Rossiya O‘zbekistonning an'anaviy yirik savdo hamkori bo‘lib, davlat rahbarlari 2024-2030-yillar davomida o‘zaro tovar ayrboshlashni oshirish bo‘yicha maqsadlarni belgilab bergan.
2 daqiqa o‘qiladi
O‘zbekiston va Rossiya o‘rtasidagi tovar ayirboshlash hajmini oshirish bo‘yicha ishchi guruhining ikkinchi yig‘ilishi o‘tkazildi. Bu haqda O‘zbekiston investitsiyalar, sanoat va savdo vazirligi xabar berdi.
Dasturiy budjetlashtirish Rossiya hamkorligida
Muzokaralar davomida sanoat, energetika, transport va qishloq xo‘jaligi sohalaridagi tegishli rahbarlarning hisobotlari tinglandi.
“Ular O‘zbekiston Respublikasi bilan Rossiya Federatsiyasi o‘rtasidagi 2024-2030 yillarga mo‘ljallangan o‘zaro tovar ayirboshlash hajmini oshirish bo‘yicha qo‘shma Chora-tadbirlar rejasi doirasida kelishilgan loyiha va kelishuvlarni amalga oshirishning bugungi holati to‘g‘risida ma’lumot berishdi”, — deyiladi xabarda.
Qayd etilishicha, dastur ikki davlat rahbarlari tomonidan belgilab berilgan tovar ayirboshlash hajmini 30 milliard dollarga yetkazish bo‘yicha aniq maqsadga erishishga qaratilgan.
Toshkentdagi akademiya va markazlar
Uchrashuv ishtirokchilari Toshkentda Butunrossiya tashqi savdo akademiyasining filialini ochish va Strategik tashabbuslar ekspert markazi faoliyati bilan ham tanishishdi.
Tovar ayrboshlashning hozirgi holati
“Muzokaralar yakunida hamkorlikni kuchaytirish va ikki davlat o‘rtasidagi savdoni rivojlantirishning barcha yo‘nalishlari bo‘yicha birgalikda samarali choralarni ko‘rishda davom etishga tayyorlik bildirildi”, — deya qo‘shimcha qilingan xabarda.
Rossiya O‘zbekistonning an’anaviy yirik savdo hamkori hisoblanadi. Shu yilning 7 oyida tovar ayirboshlash hajmi 29,1 foizga o‘sib, 6,8 milliard dollarni tashkil etdi. Bu davrda Rossiya Federatsiyasiga 175 tovar pozitsiyalarida eksport hajmining o‘sishi kuzatildi. 11,3 million dollarlik 64 ta yangi tovar eksporti yo‘lga qo‘yildi.
Yig‘ilishda O‘zbekiston Moskva va Rossiyaning boshqa shaharlarida savdo vakolatxonalarini ochishi haqida ham aytib o‘tildi.
Ma'lumot uchun, O‘zbekiston va Rossiya o‘rtasidagi tovar ayirboshlash hajmini oshirish bo‘yicha ishchi guruhining birinchi yig‘ilishida iyul oyida bo‘lib o‘tgan edi.
