Telegram bilan reklamaning yangi formatidan foydalangan holda hamkorlik 30 000 yevroga tushadi
Platformadagi reklama postlariga JPEG va PNG formatidagi rasmlarni yoki davomiyligi 3 soniyadan 60 soniyagacha bo‘lgan MP4 formatidagi videolarni qo‘shish mumkin.
2 daqiqa o‘qiladi
“Telegram Ads” xizmati reklama xabarlarida grafik va video fayllarni qo‘llab-quvvatlashni qo‘shdi. Bunga “vc.ru” nashri e’tibor qaratdi.
Reklamalardagi o‘zgarish
Platformadagi homiylik postlariga JPEG va PNG formatidagi tasvirlarni yoki davomiyligi 3 soniyadan 60 soniyagacha bo‘lgan MP4 formatidagi videolarni qo‘shish mumkin. Rasm uchun maksimal fayl hajmi 5 MB, video esa 20 MB.
Reklamada telegram bilan hamkorlik qanchaga tushadi?
“Telegram Info” kanaliga ko‘ra, bannerlar yoki videolar bilan reklama kampaniyalarini boshlash uchun minimal byudjet 20 ming yevroni tashkil qiladi. Ikkala formatdan foydalanganda kamida 30 ming yevro budjet talab qilinadi.
Tasvirli reklamalarni tematik toifalar bo‘yicha auditoriyaga yo‘naltirish uchun belgilash 50%, videolar uchun — 70% bo‘ladi. E’londa 160 belgigacha bo‘lgan matn va sarlavha bo‘lishi kerak.
Telegramda reklama tarixi
Durov birinchi marta 2021-yilning fevralida “Telegram”da reklama e’lon qildi — platforma shu tarzda ishni qo‘llab-quvvatlash uchun mablag‘ jalb etishga umid qilgan. O‘sha yilning oktabr oyida homiylik xabarlarining yaqinda paydo bo‘lishi haqida ma'lumotlarlar paydo bo‘ldi va 26-oktyabrda Durov bu haqda rasman e’lon qildi.
Reklama postlari to‘g‘ridan-to‘g‘ri “Telegram”dan yuboriladi va kanalning eng quyi qismida ko‘rsatiladi — ularni ko‘rish uchun surish yoki pastga aylantirish kerak. Homiylik qilingan postlar 160 belgi va havola bilan cheklangan.
