Artel, Feed up, Evos rahbarlari tadbirkorlikni qo‘llab-quvvatlash bo‘yicha kengash a’zolariga aylanishdi

Avvalroq Shavkat Mirziyoyev 20-avgust kuni tadbirkorlar bilan o‘tlazilgan ochiq muloqotda belgilangan reja va vazifalar ijrosi to‘g‘risidagi qarorni imzolagani haqida xabar berilgandi.

Yangi 35 a’zo

Hujjat bilan Prezident huzuridagi Tadbirkorlikni qo‘llab-quvvatlash bo‘yicha jamoatchilik kengashining yangilangan tarkibi tasdiqlandi. Ularning tarkibi 30 nafardan 35 nafarga oshirildi.

Kengash a’zolari kimlardan iborat?

Kengashning yangi aʼzolari quyidagi shaxslardan tashkil topgan:

Ilhomjon Abdurahmonov — “Paxtakor Teks” rahbari;

Sardor Abasxanov — “Global Export Company hammuassisi;

Shohruh Ro‘ziqulov — “Artel Electronics Group bosh direktori;

Kamol Abdullayev — “Sam Antep Gilam” qo‘shma korxonasi direktori (2023-yilda kengash a’zoligidan chiqarilgan);

Farhod Mamatjonov — “Prestij Rielt” asoschisi (shuningdek, “Invest Finance Bank"ning majoritar aksiyadori);

Shavkat Jalolov — “Agromir Buildings” hammuassisi;

Alina Simerman — “Test Center Baho” hammuassisi (shuningdek, “ChaiKof” ulushdori, “Coffee and Pastry"ni boshqaradi);

Xusamiddin Qayumov — “Mak Food Servis” (Evos) asoschisi;

A.Qurbonov — Xalqaro biznes auditi va konsalting (IBAC) rahbari o‘rinbosari;

Artem Kreskas — “Yangi Zamon Bino” direktori;

Murod Nazarov — “Murad Buildings” asoschisi (2023-yilda a’zolikdan chiqarilgandi);

Umid Irgashev — “Feedup Eco” asoschisi;

Olga Soy O‘zbekiston muhandis-konsalting uyushmasi (UZACE, Larisa Belousova o‘rniga) boshqaruv a’zosi.

Kengashdan chiqarilganlar

Quyidagilar kengash tarkibidan chiqarildi:

Elmurod Abdullaev — “Sun-Hightech” asoschisi;

Anna Dobrix — “Iftihor Kiyim Sanoat” rahbari;

J. Lasselberger — “Lasselsberger” asoschisi;

Xasan Mamasaidov — “Dekos Group” rahbari;

Haydar O‘roqov — “Navobod naslli parranda” fermer xo‘jaligi rahbari.

Tadbirkorlarni qo’llash bo’yicha kengash tarixi

Tadbirkorlikni qo‘llab-quvvatlash kengashi 2022-yilda maslahatchi organ sifatida tashkil etilgan.

Uning asosiy vazifalari tadbirkorlik faoliyatidagi to‘siqlarni bartaraf etish va tadbirkorlik faoliyatini tartibga soluvchi me’yoriy-huquqiy hujjatlar loyihalarini dastlabki ko‘rib chiqishdan iborat. Kengash majlislari oyiga kamida bir marta o‘tkaziladi.