Qaysi ovqatlanish shoxobchalari ko‘proq soliq to‘laydi?

Yilning dastlabki to‘rt oyida eng ko‘p soliq to‘lagan Top20 brend nomlari e’lon qilindi. Evos – peshqadam.

362 milliard so‘m

2024-yilning yanvar-aprel oylari, ovqatlanish korxonalari jami 362,1 mlrd. so‘m soliq to‘lagan. 19 235 yuridik shaxs tomonidan to‘langan soliqlarning 74,7 milliardi(20,6 foizi) 20 ta katta korxona hisobiga to‘g‘ri keladi. 16,3 mlrd. soliq imtiyozi bo‘lgan ushbu yigirmatalikning savdo aylanmasi esa 921,3 milliardni tashkil etadi.

Evos eng katta soliq to‘lovchi

To‘rt oylikda eng ko‘p soliq to‘lagan korxona - “Mak Food Servis” ya’ni “Evos” brendi bo‘ldi. Brend tomonidan jami 22,1 mlrd. so‘m soliq to‘lagan. Shuningdek, korxonaning tovar aylanmasi 250,3 mlrd. so‘mni, qo‘llanilgan soliq imtiyozlari 4,4 mlrd so‘mni tashkil etdi.

Ikkinchi o‘rin

Keyingi o‘rinda, o‘tgan yili eng ko‘p soliq to‘lagan “International Foodchain” ya’ni KFC franshizasi egallagan. Korxona to‘rt oyda jami 219,9 mlrd. so‘mlik aylanmasi bilan 13,3 mlrd so‘m soliq to‘lagan.

“Kuchli uchlik”

Uchinchi o‘rinda esa, o‘tgan uch oy davomida eng yaxshi ikkinchi soliq to‘lovchi bo‘lgan, “Uzbekistan Airways” aviakompaniyasiga tegishli bo‘lgan, “Ketring” “havo” ovqatlanish shoxobchasi egallagan. Kompaniya 118,9 mlrd. so‘m aylanma bilan 11,4 mlrd so‘m soliq to‘ladi.

“Yigirmatalikning qolgan a’zolari”

4. Euro Asia Lider Service – 6,5 milliard so‘m

5. Savdo – 2 milliard

6. Good Food Catering – 1,8 milliard

7. Aviatika – 1,7 milliard

8. Concept Catering – 1,5 milliard

9. Vanilla Food – 1,4 milliard

10. Sayohat Travel – 1,4 milliard

11. Blackpilaf – 1,4 milliard

12. Maxway Food – 1,3 milliard

13. OI Foodchain – 1,3 milliard

14. PJ Eastern Group – 1,3 milliard

15. Xonobod Fayz Taomlari– 1,1 milliard

16. Alfa Best – 1,1 milliard

17. Sirovarnya Super Food – 1,1 milliard

18. Nishon Invest – 1 milliard

19. Efendi Co Ltd – 1 milliard

20. Oqtepa-Food Service – 0,9 milliard

Soliq turlari

Ushbu kompaniyalar to‘lagan soliq tushumlari, quyidagicha turlarga bo‘linadi:

1. QQS – 29,7 mlrd so‘m;
2. JShODS - 21,6 mlrd so‘m;
3. Foyda solig‘i – 18,1 mlrd so‘m;
4. Boshqa soliqlar - 5,3 mlrd so‘m.