MDH O‘zbekistonda bo‘lib o‘tadigan parlament saylovlarini kuzatishga kirishdi
Missiyaning o‘n kishidan iborat guruhi bugundan boshlab saylovga tayyorgarlik ko‘rish va uni o‘tkazish jarayonini kuzatish bo‘yicha ish boshladi.
1 daqiqa o‘qiladi
Mustaqil Davlatlar Hamdo‘stligi (MDH) missiyasi O‘zbekiston parlamenti saylovlariga tayyorgarlik ko‘rish va uni o‘tkazish jarayonini kuzatish bo‘yicha ish boshladi. Bu haqda missiya shtab-kvartirasi rahbari Yevgeniy Kozak RIA Novostiga ma’lum qildi.
Parlament saylovlari
O‘zbekistonda navbatdagi parlament saylovi 27-oktyabr kuni bo‘lib o‘tadi, saylovoldi tashviqoti 26-iyuldan boshlandi, nomzodlar 22-sentyabrdan boshlab saylovoldi tashviqotini olib bormoqda.
“Missiyaning o‘n kishidan iborat guruhi bugundan boshlab O‘zbekiston parlamenti Qonunchilik palatasiga saylovga tayyorgarlik ko‘rish va uni o‘tkazish jarayonini kuzatish bo‘yicha ish boshladi”, — dedi Kozak.
MDH kuzatuvchilari
Missiya tarkibiga Hamdo‘stlik davlatlaridan 100 ga yaqin kuzatuvchi kiradi. Missiyaning Toshkentdagi shtab-kvartirasi hududlardagi kuzatuvchilar faoliyatini muvofiqlashtiradi.
Markaziy saylov komissiyasiga MDH bosh kotibi o‘rinbosari Denis Trefilov hamda MDH Ijroiya qo‘mitasi missiya shtabi rahbari Yevgeniy Kozak tashrif buyurdi.
Avvalroq MDH Ijroiya qo‘mitasi O‘zbekistonda bo‘lib o‘tadigan parlament saylovlarida Hamdo‘stlik davlatlarining missiyasiga tashkilot bosh kotibi Sergey Lebedev boshchilik qilishi haqida xabar bergan edi.
Saylovlarda MDH, ShHT va YXHT
O‘zbekiston Markaziy saylov komissiyasi ma’lumotlariga ko‘ra, saylovlarda mingdan ortiq xalqaro va xorijiy kuzatuvchilar, jumladan, MDH, ShHT va YXHTdan ham ishtirok etishi rejalashtirilgan.
