Ozdiruvchi mahsulotlar salomatlik uchun zararli bo‘lishi mumkin

Ozdiruvchi mahsulotlar, odatda, omma orasida keng tarqalgan ozdiruvchi vosita hisoblanadi. Biroq mutaxassislar ushbu mahsulotlarning salomatlik uchun zararli ekanligini ta’kidlashmoqda. Bemor dori ta’sirida ovqatlanishni to‘xtatganda, depressiya, tashvish hissi va uyqusizlik paydo bo‘lishi mumkin.

Tushkunlik keltirib chiqaruvchi dori

Ma’lum qilinishicha, mashhurlar orasida taniqli bo‘lgan 2-tip diabet va semirishni davolaydigan dori vositalari xavfli yon ta’sirga ega bo‘lishi mumkin. U tashvish va tushkunlikni keltirib chiqaradi. Psixiatr va narkolog-vrachning aytishicha, preparat tarkibida semaglutid mavjud. U murakkab ovqat hazm qilish tizimining falajligiga olib keladi va oqibatda, oziq-ovqat hazm tizimida uzoq vaqt qoladi va bemorda to‘qlik hissi, hatto ko‘ngil aynishi paydo bo‘ladi.

Yo‘qotilgan vazn ortig’i bilan qaytadi

Mutaxassisning ta’kidlashicha, preparat uzoq muddatli ta’sirga ega emas – odam faqat inyeksiyalarni qabul qilganda vazn yo‘qotadi. Bunday holda, birinchi navbatda, mushaklar ketadi – teri osiladi, tana rangi xiralashadi. Oziq-ovqat inson hayotining muhim qismidir. Bemor dori ta’sirida ovqatlanishni to‘xtatganda, depressiya, tashvish hissi va uyqusizlik paydo bo‘lishi mumkin.

Mutaxassis bu holatni faqat ko‘rinadigan belgilar bilan baholash mumkin emasligi haqida ogohlantirdi. Uning fikricha, tashqi ko‘rinishingiz sog‘lom qiyofa kasb etayotgan bo‘lsa-da, organizmda salbiy o‘zgarishlar yuzaga kelayotgan bo‘lishi mumkin. Bundan tashqari, preparatni ichish to‘xtatilganda, tashqi ko‘rinish yana-da yomonlashishi mumkin – yog‘ to‘planib, vazn qaytadi.