Ўзбекистонда фаолият юритаётган қурилиш ташкилотларининг сони 39,9 мингтага етди

Давлат статистика қўмитасининг маълум қилишича, жорий йилнинг 1 октябрь ҳолатига кўра, 39,9 мингта қурилиш корхоналари фаолият юритмоқда. Бу кўрсаткич 2019 йилнинг мос даврига нисбатан 4,2 мингтага кўпайди.

Жумладан, бино ва иншоотлар қурилиши бўйича фаолият юритаётган корхона ва ташкилотларнинг улуши 58,0 фоизни ташкил этди.

Шунингдек, фуқаролик обектлари қурилишида фаолият юритаётган корхона ва ташкилотларнинг улуши 9,4 фоизни ва ихтисослаштирилган қурилиш ишларини бажараётган қурилиш корхоналари улуши эса 32,6 фоизни ташкил қилди.