O‘zbekistonning eng ko‘p aholi yashaydigan hududi qaysi?

O‘zbekistonda aholi eng zich va ko‘p yashaydigan hudud deganda ko‘z oldimizda poytaxt, Toshkent gavdalanadi. Haqiqatda ham shundaymi? Statistika agentligi ma’lumotlariga ko‘ra, O‘zbekiston Respublikasida 2024-yil 1-aprel holatiga doimiy aholi soni qariyb 37 mln kishini tashkil etgan. Xo‘sh, hududlar kesimida raqamlar qanday? Qaysi hududda aholi eng ko‘p yashaydi?

1 km kv yer maydoniga 82 nafar doimiy aholi 

2024-yilning 1-yanvar holatiga ko‘ra, O‘zbekistonda 1 km kv yer maydoniga o‘rtacha 82 nafar doimiy aholi soni to‘g‘ri keladi.

Aholining 18 768,5 ming kishisi shahar joylarda, 18 031,3 ming kishisi qishloq joylarda yashaydi.

Hududlar kesimida esa doimiy aholi soni:

1. Samarqand viloyati – 4 227,3 ming kishi
2. Farg‘ona viloyati – 4 079,5 ming kishi
3. Qashqadaryo viloyati – 3 577 ming kishi
4. Andijon viloyati – 3 409 ming kishi
5. Namangan viloyati – 3 079,9 ming kishi
6. Toshkent viloyati – 3 066,0 ming kishi
7. Toshkent shahri – 3 058,4 ming kishi
8. Surxondaryo viloyati – 2 891,7 ming kishi
9. Buxoro viloyati – 2 050,6 ming kishi
10. Qoraqalpog‘iston Respublikasi – 2 008,8 ming kishi
11. Xorazm viloyati – 2 002,8 ming kishi
12. Jizzax viloyati – 1 514,5 ming kishi
13. Navoiy viloyati – 1 079,9 ming kishi
14. Sirdaryo viloyati – 917,9 ming kishi