Xorijiy ta'lim metodikasi Buxoroda
Ta’lim sifatini oshirish, xorijiy tillarni o‘qitish samaradorligini yuksaltirish maqsadida umumta’lim maktablariga xorijlik mutaxassislarni jalb qilishga alohida ahamiyat qaratilmoqda.
1 daqiqa o‘qiladi
Yangi o‘quv yilida 26 nafar xorijlik pedagog Buxoroda ish boshlaydi
2023-2024 o‘quv yilidagi tajriba
2023-2024 o‘quv yilida Buxoro viloyati umumta’lim maktablarida matematika, fizika, kimyo, biologiya hamda ingliz, nemis, fransuz va rus tili fanlaridan jami 10 nafar xorijlik o‘qituvchi faoliyat olib bordi.
Yangi o‘quv yili uchun rejalar
Yangi o‘quv yilida esa viloyat umumta’lim maktablariga 26 nafar xorijlik o‘qituvchini jalb etish ko‘zda tutilgan. Jumladan, O‘zbekiston Respublikasi Maktabgacha va maktab ta’limi vazirligi va Rossiya Federatsiyasi Maorif vazirligi bilan hamkorlikda yo‘lga qo‘yilgan “ZO‘R!” (KLASS) loyihasi doirasida 6 nafar, viloyatdagi ta’lim muassasalarida xorijiy tillarni o‘qitish samaradorligini oshirish maqsadida 20 nafar xorijlik o‘qituvchini jalb qilish rejalashtirilgan.
Bir qism pedagoglar yetib keldi
Ayni paytda rossiyalik muallima Rima Salimgareyeva hamda slovenyalik o‘qituvchi Nastasja Skerlj Grat viloyatga yetib keldi. Yangi o‘quv yilida Rima Salimgareyeva Jondor tumanidagi 1-umumta’lim maktabida, Nastasja Skerlj Grat esa Buxoro shahridagi 4-IDUMda ish boshlaydi.
