Rossiyadan migrantlarga nisbatan munosabatni tekshirish va to‘g‘irlash talab qilinmoqda

Tojikiston inson huquqlari vakili Umed Bobozoda rossiyalik hamkasbi Tatyana Moskalkovaga migrantlarning huquq va erkinliklari buzilishi yuzasidan murojaat qildi. Uning bayonoti matni matbuot xizmati tomonidan e’lon qilindi.

Chegaradagi katta noqulayliklar

Tojikiston fuqarolari ko‘pincha chegarada uzoq vaqt, ba’zan bir necha kun davomida tegishli yashash sharoitlari va ovqatlanish ta’minlanmagan holda ushlab turilmoqda. Ular orasida amaldorlar vakillari, talabalar, keksalar, ayollar va bolalar ham bor, deb ta’kidlanadi ombudsman murojaatida.

Bu kabi holatlar O‘zbekiston fuqarolariga nisbatan ham sodir etilayotgani hammaga ma‘lum. 

Talab

U Moskalkovadan respublika fuqarolarining Rossiyadagi huquqlariga rioya qilinishini va migrantlarga nisbatan noto‘g‘ri munosabat holatlari tekshirilishini talab qildi.

Bir hafta oldin Tojikiston bosh vaziri Qohir Rasulzoda Rossiyada o‘z fuqarolarining huquq va erkinliklari buzilayotganini ma’lum qilgandi. U tobora ko‘proq fuqarolar Rossiyaga kirishda qiyinchiliklarga duch kelayotganini aytgan.