Endi uy ta’miri uchun pul yig‘ish shart emas: Ipoteka bank “Ma’qul remont” kreditini ishga tushirdi

24 Апрел, 2026

Ipoteka bank OTP Group uy-joyni ta’mirlashni moliyalashtirish uchun yangi “Ma’qul remont” kredit mahsulotini taqdim etdi. Yangi taklif mijozlarga jamg‘arma to‘plamasdan turib ta’mir ishlarini boshlash va energiya samarador yechimlar orqali kelgusidagi kommunal xarajatlarni kamaytirish imkonini beradi.

Kredit shartlari

Bank ma’lumotiga ko‘ra, kredit ikki yo‘nalishda taqdim etiladi:

— energiya tejamkor (yashil) ta’mir uchun yillik 18,99 foiz

— standart ta’mir ishlari uchun 21,5 foiz

Kredit muddati 10 yilgacha etib belgilanadi.

Mazkur mahsulot orqali fuqarolar uy-joyini kechiktirmasdan ta’mirlashi, bir vaqtning o‘zida energiya samarador texnologiyalarni joriy etib, oylik kommunal to‘lovlarini qisqartirishi mumkin.

Bank vakillarining ta’kidlashicha, “Ma’qul remont” nafaqat uy-joy sharoitlarini yaxshilash, balki uzoq muddatda xarajatlarni optimallashtirishga xizmat qiluvchi moliyaviy yechim hisoblanadi.