Lipetskdan qochgan o‘zbekistonliklar qo‘lga olindi

Ikki hafta oldin Rossiyaning Lipetsk shahridagi koloniyadan qochib ketgan barcha oʻzbekistonliklar huquqni muhofaza qiluvchi organlar tomonidan qoʻlga olindi. Bu haqda Rossiya Ichki ishlar vazirligi ma’lum qilgan.

Oltinchi shaxsning qo‘lga olinishi

Ichki ishlar vazirligining xabariga koʻra, politsiya xodimlari 25-oktabr kuni Lipetskdagi 2-sonli qamoqxona koloniyasidan qochgan oltinchi mahbusni qo‘lga oldi. Ichki ishlar vazirligi maʼlumotlariga koʻra, qochoq Tambov viloyatining Polinino qishlogʻi yaqinida mahalliy politsiya va Federal Jazoni ijro etish xizmati hududiy boshqarmasi xodimlari tomonidan qoʻlga olingan.

Kaloniyadan 50 km uzoqlikda 5 nafari ushlangan

Zo‘rlash va giyohvand moddalar savdosi uchun jazo o‘tayotgan olti nafar mahbus deyarli ikki hafta oldin Lipetskdagi koloniyadan qochib ketgan edi. Ularning 5 nafari o‘zbekistonlik bo‘lgan. 26-oktabr kuni politsiya axloq tuzatish muassasasidan qochib, har biri 50 km yo‘l bosib o‘tgan besh nafar qochoqni qo‘lga oldi. Hibsga olinganlaridan so‘ng ular O‘zbekistondagi vatanlariga qochib ketishni xohlaganliklarini tan olishgan. Uch nafari Tambov viloyatida, ikkitasi Lipetsk viloyatida ushlangan.

40 metr uzunlikdagi tunnel

Qochish tufayli Tergov qo‘mitasining Lipetsk viloyati bo‘yicha boshqarmasi qamoqxona xodimlarining beparvoligi (Rossiya Federatsiyasi Jinoyat kodeksining 293-moddasi 1-qismi) bo‘yicha jinoiy ish qo‘zg‘atdi. Mahkumlarni mehnatga moslashtirish markazi boshlig‘iga, shuningdek, usta va ustaxona boshlig‘iga nisbatan mahkumlarni nazorat qilish bo‘yicha o‘z vazifalarini bajarmaganlik uchun ayblov qo‘yildi. Tergov ma’lumotlariga ko‘ra, ular mahbuslarga koloniya hududi bo‘ylab erkin harakatlanishga ruxsat bergan va uch oy ichida 40 metr uzunlikdagi tunnel yasashgan.