O‘zbekistonda 3D-printer sohasida mahalliy mutaxassislarni tayyorlash imkoni yaratildi
O‘zbekiston va Janubiy Koreya startaplar uchun 3D-laboratoriya ochdi.
1 daqiqa o‘qiladi
Toshkentda “K-Lab Uzbekistan” startaplar uchun 3D bosib chiqarish laboratoriyasi ish boshladi. Bu haqda Savdo-sanoat palatasi xabar berdi.
Laboratoriya joylashuvi
Laboratoriya 2023-yil iyun oyida ochilgan “U-Enter” innovatsion tadbirkorlik O‘zbekiston-Koreya markazida joylashgan.
Loyihaning umumiy qiymati $1,6 mln.ni tashkil etadi. Loyiha Koreya Respublikasi IT sohasini rivojlantirish Milliy agentligi (NIPA) ko‘magida amalga oshirilmoqda.
3D-printer sohasida mutaxassislar tayyorlash
Uning ishga tushirilishi 3D-printer sohasida mahalliy mutaxassislarni tayyorlash imkonini beradi, deya ta’kidladi Savdo-sanoat palatasi.
Uchta startap K-Lab yordamida tashabbuslarni amalga oshirish uchun grant oldi: jamoalardan biriga 25 mln. so‘mdan, qolgan ikkitasining har biriga 10 mln. so‘mdan mablag‘ ajratildi.
