Aksiyadorlarning yillik umumiy yig‘ilishini chaqirish to‘g‘risida e’lon

Hurmatli aksiyadorlar!

“Ipoteka-bank” aksiyadorlik tijorat ipoteka banki Bank aksiyadorlarining yillik umumiy yig‘ilishi o‘tkazilishi haqida quyidagilarni ma’lum qiladi:

O‘tkazish sanasi:

• 3-iyun 2026

O‘tkazish shakli:

• Masofadan turib, https://evote.uz saytida elektron ovoz berishning vakolatli xizmatidan foydalangan holda ovoz berish.

Boshlanish vaqti:

• 11:00

Aksiyadorlarni ro‘yxatga olish vaqti:

• 10:00

Yig‘ilishda ishtirok etish uchun aksiyadorlar reyestrini shakllantirish sanasi:

• 28-may 2026

Yig‘ilish o‘tkazilishi haqida xabardor qilish uchun aksiyadorlar reyestrini shakllantirish sanasi:

• 7-may 2026

I. Kun tartibi:

1. “Ipoteka-bank” ATIB OTP Guruhining 2025-yil uchun yillik hisobotini tasdiqlash.
2. “Ipoteka-bank” ATIB OTP Guruhi Kuzatuv kengashining 2025-yil uchun yillik hisobotini eshitish.
3. 2025-yil uchun bank foydasini taqsimlash va dividendlar to‘lash to‘g‘risida qaror qabul qilish.
4. Bankning yangi tashkiliy tuzilmasini tasdiqlash.
5. Kuzatuv kengash tarkibini tasdiqlash va Kuzatuv kengash a’zolarini saylash.
6. Bank Boshqaruvi tarkibini tasdiqlash hamda Bank Boshqaruv Raisi va a’zolarini tayinlash.
7. 2026-yil uchun majburiy auditorlik tekshiruvini o‘tkazish maqsadida auditorlik tashkilotini aniqlash, uning xizmatlari uchun to‘lovning maksimal miqdorini belgilash va u bilan shartnoma tuzish to‘g‘risida qaror qabul qilish.
8. Bank tomonidan affillangan shaxslar bilan bitimlar tuzish to‘g‘risida qaror qabul qilish.
9. “Ipoteka-bank” ATIB OTP Guruhining Kuzatuv kengashi to‘g‘risidagi Nizomi va Boshqaruvi to‘g‘risidagi Nizomini tasdiqlash.
10. Vazirlar Mahkamasining 2026-yil 27-fevraldagi maxsus ipoteka kreditlari bo‘yicha foizlar va penyalarni hisobdan chiqarish to‘g‘risidagi farmoyishi ijrosi yuzasidan qaror qabul qilish.
11. “Uzyarn House Textile” MCHJga berilgan muammoli kreditni qisman hisobdan chiqarish to‘g‘risida qaror qabul qilish.
12. Aksiyadorlar umumiy yig‘ilishining 2016-yil 5-dekabrdagi 23-sonli qarori bilan tasdiqlangan Korporativ boshqaruv kodeksining amal qilishini bekor qilish.

II. Yig‘ilish materiallari bilan tanishish tartibi

Aksiyadorlar Yig‘ilish materiallari bilan quyida tanishishlari mumkin:

(i) Bankning korporativ veb-saytida: www.ipotekabank.uz;

(ii) vakolatli elektron ovoz berish saytida: http://evote.uz/ ; yoki:

(iii) Bankning info@ipotekabank.uz elektron pochtasi orqali yozma so‘rov yuborish.

III. Aksiyadorlarni ro‘yxatga olish va yig‘ilishda ishtirok etish tartibi

Yig‘ilishda ishtirok etish huquqiga ega bo‘lgan aksiyadorlarni ro‘yxatga olish http://evote.uz/ saytidagi elektron ovoz berishning vakolatli xizmatidan foydalangan holda amalga oshiriladi.

Ro‘yxatdan o‘tish va elektron ovoz berish tartibi to‘g‘risidagi batafsil ma’lumot ko‘rsatilgan saytda yoki quyidagi telefon orqali mavjud: +998 78 777-84-84.

Ma’lumot olish uchun quyidagi telefon raqamiga murojaat qiling: +998 78-150-11-22.

Hurmat bilan,

“Ipoteka-bank” ATIB Kuzatuv kengashi.

Reklama huquqlari asosida