Ucell 5G tarmog‘i endi O‘zbekistonning barcha viloyat markazlarida

O‘zbekistonda 5G texnologiyasini birinchilardan bo‘lib joriy etgan Ucell kompaniyasi yuqori tezlikdagi aloqa qamrovini butun mamlakat bo‘ylab kengaytirishda davom etmoqda. Bugungi kunga kelib, kompaniyaning 5G tarmog‘i respublikaning barcha viloyat markazlarini to‘liq qamrab oldi.
Qamrov va hududlar

Beshinchi avlod aloqasi Farg‘ona vodiysi va Samarqand viloyatining barcha yirik shaharlarida, shuningdek, Zarafshon, Olmaliq, Angren, Ohangaron, Parkent va Bo‘stonliq kabi qator shaharlarda ishga tushirilgan. Qamrov doirasining bunday kengayishi millionlab abonentlarga o‘z yashash, ishlash va o‘qish joylarida yuqori tezlikdagi uzluksiz mobil internetdan qulay foydalanish imkonini beradi.
Tarixiy qadamlar va poytaxt metropoliteni

2019-yilning sentabr oyidayoq Tashkent City hududida ilk 5G tayanch stansiyasini o‘rnatgan Ucell, 2021-yil aprelida texnologiyani tijorat maqsadida ishga tushirgan edi. Hozirgi kunda kompaniya nafaqat yer ustida, balki yer ostida ham sifatli aloqani ta'minlamoqda. Toshkent metropolitenining barcha yer osti bekatlarida 5G, bekatlar oralig‘idagi tunnellarda esa 4G tarmog‘i uzluksiz ishlab turibdi. Bu yo‘lovchilarga butun safar davomida internetdan erkin foydalanish kafolatini beradi.
Xalqaro e’tirof

Telekommunikatsiya infratuzilmasini rivojlantirishdagi bu natijalar xalqaro miqyosda ham munosib baholanmoqda. Ookla® kompaniyasining Speedtest Intelligence® ma’lumotlariga tayangan holda o‘tkazilgan mustaqil tahlillarga ko‘ra, Ucell qatorasiga uchinchi yil (2024-yildan buyon) Fastest Mobile Network — “O‘zbekistondagi eng tezkor mobil tarmoq” maqomini saqlab qoldi. Bundan tashqari, 2026-yilning birinchi yarmida kompaniya Best Mobile Network — “O‘zbekistondagi eng yaxshi mobil tarmoq” mukofotiga ham sazovor bo‘ldi.
Zamonaviy mobil texnologiyalardan nafaqat poytaxt, balki chekka hududlarda ham foydalanish imkoniyatlarini yaratish — Ucell faoliyatining eng ustuvor maqsadi bo‘lib qoladi.