O‘zbekistonda uch yilda internet tarmog‘i foydalanuvchilari 7 mln.ga oshgan

Birgina 2024-yilda bir yil oldingiga qaraganda foydalanuvchilar 12,5%ga oshgan.

Joriy yildagi holat

Statistika agentligi ma’lumotlariga ko‘ra, O‘zbekistonda 2024-yilning 1-yanvar holatiga, internet tarmog‘iga ulangan abonentlar soni 30,1 milliontani tashkil etgan. 

Bu ko‘rsatkich o‘tgan yilning mos davri bilan solishtirilganda 12,5 % ga oshgan. 

Hududlar orasida internet tarmog‘iga ulanganlar soni: 

Eng ko‘p abonentlar soni Toshkent shahrida - 6,3 mln. bo‘lsa, eng kam abonentlar soni Sirdaryo viloyatida - 0,7 mln.ni tashkil etgan.

O‘tgan yillardagi holat

2023-yilning 1-yanvar holatiga, internet tarmog‘iga ulangan abonentlar soni 26,7 milliontani tashkil etib, 2022-yilga qaraganda 16,3 % ga yuqorilaganini ko‘rish mumkin. 2022-yilning ayni shu vaqtida foydalanuvchilar soni 23 mln. ni tashkil etgan.

2022-yilda ham eng yuqori ko‘rsatkich Toshkent va eng kami Sirdaryoda bo‘lgan. Bu yillar oralig‘ida foydalanuvchilar soni 7 milliondan ko‘ra ko‘proqqa oshgan.