Instagram 18 yoshgacha bo‘lganlar uchun o‘smirlar akkauntini ishga tushirdi

“Instagram” 18 yoshgacha bo‘lgan foydalanuvchilar uchun “o‘smirlar” akkauntlarini qo‘shdi, deya xabar bermoqda “The Verge” nashri.

O‘smirlar uchun akkaunt

2024-yil 17-sentabrdan boshlab 18 yoshgacha bo‘lgan barcha yangi foydalanuvchilar akkauntning yangi turi — “o‘smirlik” akkauntiga ega bo‘ladilar.

Funksiya AQSh, Avstraliya, Kanada va Buyuk Britaniyada ishlay boshlaydi. Asta-sekin, allaqachon ro‘yxatdan o‘tgan hisoblar “o‘smir akkauntlar” ga o‘tkaziladi.

Boshqa platformalarda bu rejimning joriy etilishi

2025-yilda funksiya Yevropa Ittifoqida paydo bo‘ladi, keyinchalik “Meta” uni boshqa platformalarida ham joriy qilishni rejalashtirmoqda.

Qanday o‘zgarishlar bo‘ladi?

Bunday akkauntlarga nisbatan maxsus xavfsizlik choralari qo‘llaniladi: masalan, akkauntlar yopiq bo‘ladi, begonalar birinchi navbatda o‘smirga yoza olmaydi, soat 22:00dan ertalabki 07:00gacha bildirishnomalarsiz rejim faollashadi.

O‘smirlar o‘zlarining yoshiga mos keladigan mavzular bo‘yicha tavsiyalarni ko‘rib chiqishlari mumkin: sport, sayohat, hayvonlar va boshqalar.

Ota-onalar farzandi kim bilan SMS yozayotganini ko‘ra oladi, lekin xabarlar mazmunini emas. Shuningdek, ular o‘smirni eng ko‘p qiziqtirgan mavzularga kirish imkoniyatiga ega bo‘ladilar.

16 yoshdan 18 yoshgacha bo‘lgan o‘smirlar sozlamalarga o‘zlari o‘zgartirish kiritishi mumkin, boshqalari esa ota-onalaridan ruxsat olishlari kerak — masalan, agar bola akkauntni hammaga ochiq qilmoqchi bo‘lsa.