"Бир туман аҳолиси бошқа тумандаги қизиқарли жойлардан бехабар". Тошкент шаҳрида ички туризмни ривожлантириш таклифи берилди

Бугун онлайн шаклда Тошкент шаҳар Жамоатчилик кенгашининг навбатдаги йиғилиши бўлиб ўтди.

Унда Тошкент шаҳри Туризм департаменти раҳбарининг ўринбосари Фурқат Нажимов кўп ҳолларда бир туман аҳолиси бошқа тумандаги қизиқарли жойлардан бехабар эканини билдириб, пойтахтда ички туризмни ривожлантириш таклифи билан чиқди.

Шаҳарнинг диққатга сазовор жойлари билан танишиш учун туманлар ўртасида кичик гуруҳлар (балки, пандемия талаблари инобатидан, 10 кишилик гуруҳлар бўлар) билан алмашиш мумкин.

Мазкур ғоя қўллаб-қувватланиб биринчи навбатда кам таъминланган оилалар ва кам ҳаракатли фуқароларни жалб қилиш таклифлари билан бойитилди.

Шунингдек, ташкилотчи ва гид сифатида туризм коллежи ўқувчиларини ишга солиш таклиф этилди – бу улар учун яхшигина амалиёт бўларди. Яна, Фурқат Нажимов мактабларда синф дарсларининг бир қисимни (умумий дастурга зарар етказмаган ҳолда) ўқувчиларни туризм билан бизнеснинг, жамоат ҳаётининг маданий ва маърифий қисми сифатида таништириш учун фойдаланишни таклиф қилди.

Шунингдек, йиғилишда яқинлашиб келаётган Халқаро туризм куни (27 сентябрь)ни нишонлаш таклифи ҳам берилди.