Ўзбекистондаги ҳар 100 та оилага нечта енгил автомобил тўғри келиши маълум қилинди

Давлат статистика қўмитаси уй хўжаликлари танлама кузатувлари маълумотларига асосан, Ўзбекистондаги ҳар 100 та оилага нечта енгил автомобил тўғри келишини маълум қилди.

Унга кўра, жорий йилнинг январь-сентябрь ойларида, ҳар 100 та уй хўжалигига 48 та енгил автомобил тўғри келиши маълум бўлди.

Маълумот учун, 2010 йилда ҳар 100 та уй хўжалигига 21 та енгил автомобил тўғри келган. Шунингдек, 2015 йилда эса ҳар 100 та оилага 42 та енгил автомобил тўғри келган.