O‘zbekiston futbol bo‘yicha dunyo reytingida ko‘tarildi

Navbatdagi Osiyo, Yevropa va Amerika kubogi o‘yinlari yakunlangach, FIFA terma jamoalarning yangilangan reytingini e’lon qildi.

Yangilangan reyting

Endilikdagi reytingda O‘zbekiston termasi 1 pog‘ona ko‘tarilib, 61-o‘rinda qayd etildi. Mazkur reytingda yaqinda yakunlangan Yevropa chempionati va Amerika kubogi musobaqalari ta’siri ancha sezilgan. Xususan, Amerika chempioni bo‘lgan Argentina 1-o‘rinni ancha mustahkamlagan bo‘lsa, Fransiya hamon 2-o‘rinda bormoqda. Yevropa chempioni Ispaniya esa katta sakrash bilan kuchli uchlikni tugatgan. Finalchi Angliya termasi Braziliya termasidan o‘zib, 4-o‘ringa chiqib olgan. Shuningdek, Turkiya ham 16 ta o‘ringa ko‘tarilgan va 26-o‘ringa chiqqan.

Top-10

Yangilangan reytingning yuqori o‘nligi quyidagicha:

1. Argentina

2. Fransiya

3. Ispaniya

4. Angliya

5. Braziliya

6. Belgiya

7. Niderlandiya

8. Portugaliya

9. Kolumbiya

10. Italiya

Osiyo terma jamoalari 

Reytingga ko‘ra, O‘zbekiston Osiyo terma jamoalari orasida 8-o‘rinni egalladi. Umumiy reytingda esa bir pog‘ona yuqorilaydi.

18. Yaponiya

20. Eron

23. Janubiy Koreya

24. Avstraliya

34. Qatar

55. Iroq

56. Saudiya Arabistoni

61. O‘zbekiston

68. Iordaniya

69. BAA