Falastin: Har ikki kunda bir bola halok bo‘lmoqda

Defence for Children xalqaro bolalarni himoya qilish tashkiloti sentyabr oyida Isroil armiyasi va isroillik ko‘chmanchilar tomonidan bosib olingan G‘arbiy Sohilda 7-oktyabrdan beri o‘ldirilgan falastinlik bolalar haqida hisobot e’lon qildi.

Bolalar ataylab nishonga olinmoqda

Isroil merganlari qurolsiz bolalarni ataylab nishonga olmoqda va o‘qqa tutmoqda. Isroil askarlari va ko‘chmanchilar tomonidan bosib olingan G‘arbiy Sohilda, jumladan Sharqiy Quddusda 2023-yilning 7-oktyabridan 2024-yil 31-iyuliga qadar 141 nafar falastinlik bola o‘ldirildi. Isroilliklar tomonidan o‘ldirilgan 141 nafar bolaning 116 nafari to‘g‘ridan-to‘g‘ri boshiga yoki tanasiga, 18 nafariga esa orqa qismiga otilgan, bu – “bola isroillik askarlarga xavf tug‘dirmaganining yaqqol ko‘rsatkichidir”.

Har ikki kunda bir bola halok bo‘lmoqda

2000-yildan beri qatl qilingan falastinlik bolalarning 20 foizi 7-oktyabrdan keyin o‘ldirilgan. G‘arbiy Sohilda har ikki kunda bir bola halok bo‘ladi. Isroil hukumati 2023-yil 7-oktyabrdan beri bosib olingan G‘arbiy Sohilda, jumladan Sharqiy Quddusda falastinlik bolalarning 18 jasadini musodara qilgan. Jasadlarni musodara qilish va saqlash xalqaro gumanitar huquq va xalqaro jinoiy huquqni buzish hisoblanadi.