Наманганда Cobalt каналга тушиб кетди. Ҳайдовчи вафот эган

Кеча, 2020 йил 10 сентябрь куни Наманган вилоятининг Чортоқ туманида Cobalt русумли автомобил каналга тушиб кетди, дея хабар бермоқда Фавқулодда вазиятлар вазирлиги.

Қайд этилишича, кескин бурилишда " Cobalt" ҳайдовчиси бошқарувни йўқотиб, автомобиль бир неча марта ағдарилган ва яқин атрофдаги “Наманган” каналига тушиб кетган. Автомобиль ағдарилган вақтдаги куч ҳайдовчини машинадан улоқтириб юборган ва у воқеа жойида вафот этган.

Машина салонида яна бир нафар аёл киши бўлган. Аёл сув остида қолган машинадан хавфсиз чиқиб кетишга муваффақ бўлган. Бир неча дақиқадан сўнг воқеа жойига қутқарувчилар етиб келиб, жабрланувчи касалхонага етказилган. Машина махсус техникалар ёрдамида каналдан олиб чиқилган.