Sankt-Peterburgda o‘zbekistonlik bloger qo‘lga olindi
U Youtube kanalida siyosatchilar haqorat qilingan beshta videoni e’lon qilgan. Taxminlarga ko‘ra, ulardan biri O‘zbekiston Respublikasi prezidenti maslahatchisi o‘rinbosari Galina Saidova bo‘lgan.
1 daqiqa o‘qiladi

Sankt-Peterburgda O‘zbekistondan bo‘lgan mashhur YouTuber Ma’ruf Raimqulov hibsga olindi, deb xabar bermoqda Fontanka.ru nashri. U amaldorlarga tuhmat qilishda ayblanmoqda.
Prezident maslahatchisi haqoratlangan
O‘zbekiston huquq-tartibot idoralari ma’lumotiga ko‘ra, bloger 2024-yil dekabr oyida YouTube kanalida siyosatchilarni haqorat qilgan beshta videoni e’lon qilgan. Ulardan biri taxminlarga ko‘ra, O‘zbekiston Respublikasi prezidenti maslahatchisi o‘rinbosari Galina Saidova bo‘lgan.
U oldin ham sudlangan
Bloger Sankt-Peterburgning Moskva tumanidagi 51-politsiyaga olib borilgan va u qidiruvni boshlagan Buxoro viloyati IIBga topshirilishi rejalashtirilgan. U ilgari ham tuhmat va tovlamachilik bilan sudlangan.
Bloger haqida
Ma’lumot uchun, Ma’ruf Raimqulov 2022-yildan buyon blogerlik faoliyati bilan shug‘illanib keladi. Ayni damda blogerning YouTube kanalida 285 mingdan ortiq obunachi bor, videolarning umumiy ko‘rishlar soni deyarli 65 million.



