O‘zbekistonga yangi turdagi innovatsion bankomat uskunalari yetkazib beriladi

O‘zbekiston elchisi Oybek Shaxavdinov Vengriyaning Spectrum kompaniyasi direktori Jozef Kovach bilan uchrashuv o‘tkazdi.

Kompaniya bilan hamkorlik

Unda Spectrum kompaniyasi tomonidan O‘zbekistonda amalga oshirilayotgan loyihalar portfelini kengaytirish va joriy oktyabr oyida Qo‘qon shahrida bo‘lib o‘tadigan O‘zbekiston-Vengriya biznes-forumiga tayyorgarlikning borishi bilan bog‘liq masalalar ko‘rib chiqildi.

Birinchisi O‘zbekistonga

Jozef Kovachning aytishicha, hozirda ushbu kompaniya O‘zbekistonga yangi turdagi bankomat uskunalarini yetkazib berish bo‘yicha loyiha ustida ish olib borilmoqda.

”12-15-oktyabr kunlari AQShda NSR kompaniyasining yangi mahsulotlarning taqdimoti bo‘lib o‘tadi va bu kabi yangi innovatsion imkoniyatlarni birinchilardan bo‘lib O‘zbekistonda tatbiq etish rejalashtirilgan”, degan u.

Toshkent viloyatidagi tajribalar

U, shuningdek, O‘zbekistonda “Kartoshkachilik markazi”ni tashkil etish bo‘yicha ishlar qizg‘in kechayotganini bildirdi. Qayd etilishicha, kompaniya mutaxassislari tajriba tariqasida Toshkent viloyatining Bo‘stonliq tumanida Vengriya kartoshka navlarini ekib, tadqiqot natijalarini kutmoqda.