Oʻzbekiston qaysi davlatlardan koʻproq avtomobil import qilmoqda?

Oʻzbekiston 8 oyda 48 055 ta yengil avtomobil import qilgan. Bu haqda Statistika agentligi matbuot xizmati xabar berdi.

Yengil avtomobillar importi oshgan 

Ma’lumotlarga ko‘ra, O‘zbekiston 2024-yilning yanvar–avgust oylarida xorijdan qiymati 912 mln. AQSH dollariga teng bo‘lgan 48 055 dona yengil avtomobil import qilgan. Yengil avtomobil importi o‘tgan yilning mos davriga nisbatan 8352 taga oshgan. 

Qaysi davlatlardan koʻproq import qilingan?

O‘zbekistonga 2024-yilning 8 oyida eng ko‘p yengil avtomobil import qilingan davlatlar:

Xitoy – 38 085 ta;

Koreya – 8 729 ta;

AQSH – 622 ta;

Yaponiya – 139 ta;

Germaniya – 104 ta.