O‘zbekistonda raqamli bank sohasida yangi bosqichning boshlanishi — AVO bank

Innovatsion raqamli AVO bank foizsiz davrga ega AVO platinum kredit kartasini ishga tushirdi. Mahsulot har bir o‘zbekistonlik uchun yangi imkoniyatlarni taqdim etishni hamda moliyaviy operatsiyalarni soddalashtirishga yordam berishni maqsad qilgan. 

O‘zbekiston bozorida analogi bo‘lmagan bonus dasturi

Qiziqarlisi, bank AVO platinum kredit kartasini ishga tushirish bilan birgalikda O‘zbekiston bozorida analogi bo‘lmagan bonus dasturini taqdim etmoqda. Bankning mobil ilovasi orqali raqamli identifikatsiyadan o‘tgan har bir mijoz bepul virtual kartadan tashqari, bonus hisobiga 250 000 so‘m ham oladi. Ushbu bonuslar kommunal xizmatlar, mobil aloqa va bank komissiyalari kabi kundalik xarajatlarni qoplash uchun ishlatilishi mumkin.

Bundan tashqari, mijozlar istalgan paytda do‘stlari va tanishlarini AVO bankning raqamli moliyaviy xizmatlaridan foydalanishga taklif qilish orqali bonus balanslarini to‘ldirishlari mumkin bo‘ladi.

Foizsiz davrga ega kredit limiti

AVO platinum kredit kartasi mijozga kundalik xarajatlar uchun foizsiz davrga ega kredit limitini garovsiz, sug‘urta va kafillarsiz olish imkonini taqdim etadi. Ushbu kredit limiti sizga imtiyozli davrda kartadan foydalangan holda xaridlarni yillik 0% stavka bilan amalga oshirish imkonini beradi. Kredit kartadan istalgan savdo nuqtalarida — bozordan tortib supermarket va internet-do‘konlargacha, O‘zbekistonda va butun dunyo bo‘ylab foydalanishingiz mumkin. Qarzga olingan mablag‘larni qaytarish shartlari ham barcha mijozlar uchun foydali bo‘lishi maqsad qilingan. 

Xavfsizlik tizimi

Shuningdek, kredit kartasi joriy qonunchilik va nazorat qiluvchi organlar tomonidan taqdim etilgan xavfsizlik kafolat standartlarining barcha nyuanslarini hisobga olgan. Misol uchun, bu hisobga qo‘yilgan mablag‘larni sug‘urtalash, shaxsiy ma’lumotlar xavfsizligi va bank sirlaridir. Bundan tashqari, MasterCard xalqaro to‘lov tizimidan foydalanish tufayli mahsulotga yuqori texnologiyali to‘lov va pul o‘tkazmalari xavfsizligi standartlari joriy etilgan.

Individual kredit limiti 50 000 000 so‘mgacha

AVO platinum kredit kartasi qator afzalliklarga ega bo‘lib, masalan, imtiyozli davrda karta orqali amalga oshirilgan xaridlar uchun foizlar olinmaydi. Individual kredit limiti 50 000 000 so‘mgacha hisoblanadi, virtual karta esa bepul chiqariladi. 

Kredit karta afzalliklari

Shuningdek, AVO platinum kredit kartasidan nafaqat kredit karta sifatida, balki, undan shaxsiy mablag‘larni saqlash va sarflash uchun ham foydalanishingiz mumkin. Bundan tashqari, kredit limiti qarzdorlik so‘ndirilishi bilanoq qayta tiklanadi, ya’ni keyingi limitni olish uchun takroriy so‘rovlar yuborishingiz ham shart emas.

Ma’lumot uchun, 2024-yilning 20-fevralidan boshlab AVO bank mobil ilovasini butun mamlakat bo‘ylab yuklab olish mumkin, har bir O‘zbekiston fuqarosi AVO platinum virtual kredit kartasini rasmiylashtirish imkoniga ega bo‘ladi. Kredit limitlarini tasdiqlash bir kundan keyin, ya’ni joriy yilning 21-fevralidan amalga oshiriladi.