iPhone o‘zboshimchalik bilan foydalanuvchilar suratlarini skanerlamoqda: Bu yana bir josuslikmi?

Apple iOS 18.1 va macOS 15.1 da Enhanced Visual Search (kengaytirilgan vizual qidiruv)ni taqdim etdi, u foydalanuvchilarning roziligisiz fotosuratlarning diqqatga sazovor joylarni skanerlaydi.

Ushbu funksiya birlamchi sifatida yoqilgan, lekin uni sozlamalarda o‘chirib qo‘yish mumkin.

Uning vazifasi nima?

Apple’ning ta’kidlashicha, Enhanced Visual Search tasvirlarni mahalliy ravishda kompaniya serverlarida saqlanayotgan diqqatga sazovor joylarning global indeksi bilan taqqoslaydi. Maxfiylikni himoya qilish uchun u gomomorf shifrlash, differensial maxfiylik va foydalanuvchining IP manzilini yashiradigan Cloudflare retranslyatoridan foydalanadi. Apple fotosuratlar mazmuniga kirish huquqiga ega emasligini da’vo qilmoqda.

Ish mexanizmi quyidagicha:

• mashinali o‘qitishning mahalliy modeli fotosuratda potensial diqqatga sazovor joylarni aniqlaydi;
• ularning shifrlangan tasvirini yaratadi;
• ma’lumotlar bazasi bilan taqqoslash uchun Apple serveriga yuboradi.

Server natijani shifrlangan holda qaytaradi, bu faqat foydalanuvchi qurilmasida shifrlanadi.

Tizim to‘g‘ri ishlaganda Apple fotosuratlarning asl ma’lumotlariga kira olmaydi

Mutaxassislarning tasdiqlashicha, tizim to‘g‘ri ishlaganda Apple fotosuratlarning asl ma’lumotlariga kira olmaydi. Biroq ehtimoliy zaifliklar va ma’lumotlarni tarqatishning qo‘shimcha kanallari masalasi ochiq qolmoqda. Apple’ning ta’kidlashicha, qo‘llaniladigan shifrlash usullari va differensial maxfiylik foydalanuvchi ma’lumotlarini himoya qilishni kafolatlaydi.

Apple Siri sababli 95 million dollar jarima to‘lamoqda

Yaqinda Apple kompaniyasi o‘zining ayrim qurilmalari foydalanuvchilarning ruxsatisiz ularni tinglagan va yozib olgani haqidagi da’voni hal qilish uchun 95 million dollar to‘lashga rozi bo‘lganligi haqida xabar bergan edik.

Unga ko‘ra, Apple kompaniyasi o‘zining virtual yordamchisi Siri orqali mijozlar suhbatlarini tinglashda ayblangan. Da’vogarlar, shuningdek, ovozli yozuvlar reklama beruvchilarga berilganini da’vo qilgan.

Har qanday qonunbuzarlikni inkor etuvchi Apple kompaniyasiga izoh so‘rab murojaat qilinganda, kompaniya har qanday huquqbuzarlikni va foydalanuvchilarning roziligisiz “Siri aktivatsiyasi natijasida yozib olingan suhbatlarni o‘chirmaganini va uchinchi shaxslarga oshkor qilinganini rad etgan.