$
 12786.98
12.0
 13753.68
-160.83
 130.27
0.13
weather
+26
Кечаси   +14°

Turkiya, Ozarbayjon va Shimoliy Kipr Turk Respublikasi umumiy turkiy alifboga o‘tishga tayyor

Alifbo

Turkiy davlatlar tashkilotining (TDT) Bishkekdagi yig‘ilishida Turkiya prezidenti Rajab Toyyib Erdo‘g‘an hamkasblarini umumiy alifboga o‘tish bo‘yicha qaror qabul qilishga chaqirdi. Bu haqda 24.kg xabar berdi.

Markaziy Osiyo qoldi

Uning eslatishicha, sentabr oyida Bokuda TDT komissiyasi 34 ta harfdan iborat lotin alifbosidagi umumiy alifbo bo‘yicha kelishib oldi va “bu tarixiy voqea bo‘ldi”.

“Bizning umumiy alifbomiz ham kelajakni birgalikda qurayotganimizdan dalolatdir. Endi ishtirokchi davlatlar ushbu alifbo asosida kerakli transformatsiyani amalga oshirishi kerak. Turkiya, Ozarboyjon va Shimoliy Kipr yagona turkiy alifboga o‘tishga tayyor. Qirg‘iziston, Qozog‘iston, O‘zbekiston va Turkmaniston yangi alifboga o‘tish yo‘lida qadam tashlashi maqsadga muvofiq bo‘lardi”, dedi Rajab Toyyib Erdo‘g‘an.

Umumiy alifbo bo‘yicha kelishuv

Shu yil sentabr oyida Ozarboyjonda o‘tkazilgan turkiy davlatlar olimlari yig‘ilishida Xalqaro turk akademiyasi va Turkiy davlatlar tashkiloti (TDT) tomonidan tuzilgan Turk dunyosi umumiy alifbo komissiyasi 34 harfdan iborat umumiy turk alifbosi bo‘yicha o‘zaro kelishuvga erishgan edi.

“Umumiy turkiy alifboning yaratilishi nafaqat turkiy xalqlar oʻrtasidagi oʻzaro anglashuv va hamkorlikni mustahkamlash, balki ularning tillarini saqlab qolishga ham xizmat qiladi”, deya ta’kidlagan komissiya a’zolari.

Теги :
Jamiyat