Toshkent davlat agrar universitetida yong‘in sodir bo‘ldi (video)

Bugun, 30-sentyabr kuni poytaxt viloyatining Qibray tumanida joylashgan Toshkent davlat agrar universiteti binolaridan birida yong‘in sodir bo‘ldi. 

FVV axboroti

Favqulodda vaziyatlar vazirligining ma’lum qilishicha, soat 20:10 da vaziyat yuzasidan signal kelib tushgan. Soat 20:17 da yong‘in-qutqaruv guruhi voqea joyiga yetib borgan va yong‘inni o‘chirishga kirishgan. "Vaziyat to‘liq nazoratga olingan", — deyiladi vazirlik xabarida. Qurbonlar haqida ma’lumot yo‘q, deb ta’kidladi FVV. Hodisa oqibatida tan jarohati olgan va halok bo‘lganlar to‘g‘risida ma’lumot kelib tushmadi.

Ijtimoiy tarmoqlardagi videolarda yong‘in ko‘p qavatli uyni qamrab olgani, yaqin atrofdagi binolarga ham o‘tganini ko‘rish mumkin. Ma’lumot uchun, Qishloq xo‘jaligi vazirligi universitetga yaqin joyda joylashgan. Universitet kampusida boshqa tashkilotlar ham mavjud.