Android smartfonlariga o‘g‘rilik aniqlanganda qulflash funksiyasi qo‘shildi

O‘z smartfonlarini Android 15 ga yangilagan foydalanuvchilar o‘g‘irlikni aniqlash bloki deb nomlangan yangi xususiyatni olishni boshladilar.

Endigina foydalanuvchilarga yetib kelgan dastur

Bu variant “Google” tomonidan 2024-yil bahorida joriy qilingan, biroq u endigina foydalanuvchilarga yetib bordi, deya xabar beradi “ZDNET” nashri.

“Theft Detection Lock” — bu sun’iy intellekt asosida ishlaydigan texnologiya hisoblanadi.

U qanday ishlaydi?

Akselerometr va giroskop yordamida o‘g‘irlikni avtomatik ravishda aniqlanadi. Smartfon keskin surish va tezlashishni aniqlaganda funksiya yoqiladi. Shunday qilib, qurilma egasining qo‘lidan olinib, qochib ketila boshlanganini tushunadi.

Agar qurilma o‘g‘irlangan bo‘lsa, Android smartfonining ekrani qulflanadi va uni qulfdan chiqarish uchun PIN-kod va “Google” hisobi paroli talab qilinadi.

Agar u ishlamay qolsa nima qilish mumkin?

Agar to‘satdan aniqlash ishlamasa, agar smartfonda “Masofadan qulflash” sozlamalari ilgari yoqilgan bo‘lsa, foydalanuvchi o‘z qurilmasini android.com/lock veb-sayti orqali masofadan turib bloklashi mumkin bo‘ladi.

Bloklangan ekranda telefon raqamini oldindan qoldirishingiz mumkin, agar kimdir smartfonni topsa, qo‘ng‘iroq qilishi mumkin.

O‘chirilgan qurilmani topish

Avvalroq Android 15 tizimi o‘chirilgan smartfonni qidirish imkoniyatiga ega bo‘lishi haqida ma'lum qilingan edi.

“Google” bu funksiyani Android smartfon egalari qurilma akkumulyatori 0%ga yetgan hollarda yo‘qolgan qurilmalarni topishi uchun yaratmoqchi.