O‘zbekistonliklar uchun Tailand vizasini ham onlayn olish imkoniyati yaratildi

Tailand Tashqi ishlar vazirligi ma’lum qilishicha, 2025-yil 1-yanvardan boshlab Tailandning barcha xorijdagi elchixona va bosh konsulliklarida “e-Visa” elektron viza xizmati joriy etildi.

Onlayn platforma orqali

Tailand vizasini olishni xohlovchi chet el fuqarosi o‘z arizasini endi yangi onlayn platforma orqali murojaat qilish kerak.

Arizachi Tailandning diplomatik va konsullik idoralariga pasport va boshqa tasdiqlovchi hujjatlarning asl nusxalarini shaxsan taqdim etishi shart emas.

Tasdiqlovchi hujjatni mas’ullarga taqdim etish shart

Elektron vizaga ariza qabul qilinib tasdiqlangandan so‘ng, arizachiga elektron pochta orqali tasdiqlov xati yuboriladi. Ushbu tasdiqlov xatini chop etib, aviakompaniya vakillari va Tailand chegarasidagi immigratsiya xodimlariga ko‘rsatish talab etiladi.

Amaldagi qoidalarga muvofiq, 2024-yil 15-iyuldan boshlab O‘zbekiston fuqarolari uchun Tailandga 60 kungacha bo‘lgan muddatga vizasiz kirish huquqi joriy etilgan. Elektron viza tizimi orqali esa turistik, biznes, oila bilan bog‘liq va boshqa maqsadlardagi vizalarni 90 kungacha olish imkoniyati mavjud.

Avvalroq o‘zbekistonliklar endi Germaniya vizasini elektron tarzda olishi imkoniyati paydo bolgani haqida xabar bergandik. Bunda o‘qish, ish, ish qidirish yoki oila birlashuvi kabi uzoq muddatli vizalar uchun arizalarni topshirish mumkin.