Ramazon xaritasi: Qaysi davlat musulmonlari eng uzoq vaqt ro‘za tutadi?

2026-yilda Ramazon oyi fevralga to‘g‘ri keldi. Bunga hijriy taqvimning quyosh taqvimidan har yili 10–12 kun oldinga siljishi sabab bo‘ladi. Shu tufayli Ramazon har safar boshqa faslda boshlanadi va bu ro‘za davomiyligiga ham ta’sir qiladi. Bu, avvalo, mamlakatning qaysi yarim sharda joylashgani va kengligiga bog‘liq. Ba’zi joylarda musulmonlar 11–12 soat och yursa, boshqa hududlarda ro‘za 15–16 soatgacha cho‘ziladi. Xo‘sh, qaysi davlatlarda ro‘za soatlari eng qisqa davom etadi?

Eng qisqa ro‘za tutadigan davlatlar

Ekvatorga yaqin joylashgan ayrim Afrika davlatlarida ro‘za nisbatan qisqa vaqt davom etmoqda. Masalan, Komor orollarida ro‘za taxminan 12 soat 45 daqiqa. Somalida 12 soat 55 daqiqa atrofida, Jibutida esa 13 soatga yaqin. Bu hududlarda kunduz va tun deyarli teng bo‘lgani uchun ro‘za vaqti ham unchalik o‘zgarmaydi.

Shimoliy Afrikada ham ro‘za o‘rtacha 12,5–13 soatni tashkil qilmoqda. Marokash, Jazoir va Tunisda 12 soat 45 daqiqa atrofida, Misrda ham shunga yaqin. Nigeriya va Senegalda 13 soat. Janubiy Afrikada esa Ramazon boshida ro‘za 14 soatdan oshadi, lekin vaqt o‘tishi bilan biroz qisqaradi.

O‘rtacha ro‘za davomiyligi

Ko‘plab Yaqin Sharq va arab davlatlarida ro‘za o‘rtacha 13 soat atrofida davom etmoqda. Saudiya Arabistonida taxminan 13 soat 25 daqiqa. BAA, Qatar va Bahraynda 13 soat 20 daqiqaga yaqin. Quvayt va Ummon ham shunga yaqin ko‘rsatkichda. Misrda Ramazon boshida ro‘za 13 soat bo‘lsa, oy oxiriga borib 13 soat 35 daqiqagacha cho‘ziladi. Suriya, Livan, Falastin va Iordaniyada ro‘za 13 soat 20–30 daqiqa atrofida. Bag‘dodda esa 13 soat 30 daqiqa davom etmoqda. Turkiyada ro‘za biroz qisqaroq — 12–12,5 soat.

Yevropa: eng qisqa ro‘za soatlari

Bu yil Yevropaning shimolida ro‘za eng qisqa davom etmoqda. Shvetsiya va Norvegiyada ro‘za 11,5–12 soat atrofida bo‘lib, 2026-yil uchun eng qisqa ko‘rsatkichlardan biri hisoblanadi. Fransiya, Germaniya va Buyuk Britaniyada 12–12,5 soat, Ispaniya va Italiyada esa 12,5–13 soatni tashkil etmoqda.

Janubiy yarim sharda ro‘za davomiyligi qanday?

Janubiy yarimsharda bu yil ro‘za uzoqroq davom etadi. Yangi Zelandiyaning Christchurch shahrida ro‘za 15 soat 22 daqiqa davom etadi. Chilining Puerto Montt shahrida 15 soat 13 daqiqa. Avstraliyaning Kanberra shahrida 14 soat 48 daqiqa. Urugvay va Argentinada esa ro‘za 14 soat 42 daqiqaga yetmoqda. Janubiy Afrikada ham ro‘za 14–15 soat davom etadi. Oy o‘tgan sari bu vaqt biroz qisqaradi.

Eng uzun ro‘za qayerda?

Astronomik hisob-kitoblarga ko‘ra, Shimoliy Yevropaning ayrim hududlarida kunduz juda uzun bo‘lgani sabab ro‘za ham ancha uzoq. Ba’zi joylarda ro‘za 21 soatgacha yetadi. Masalan, Grenlandiyaning ayrim hududlarida ro‘za 21 soat 2 daqiqagacha davom etishi kutilmoqda.