Uzum Market BTP franchayzi uchun hamkorlik shartnomasidagi (ofertadagi) o‘zgarishlar

2026-yil 2-sentyabrdan boshlab Uzum Market'da hamkorlik shartnomasidagi (ofertadagi) yangi buyurtmalarni topshirish punktlarini ochayotgan franchayzi uchun kafolatlangan mukofotni belgilash tartibiga oid kiritilgan o‘zgartirishlar kuchga kiradi. Endi kafolatlangan oylik mukofot miqdori hamkorlik dasturida ishtirok etish uchun ariza berilgan sanaga qarab belgilanadi va kafolatlangan to‘lovlar davri davomida o‘zgarmaydi. Bu, topshirish punkti ochilgan haqiqiy sanadan qat’iy nazar, ariza berilgan paytda amalda bo‘lgan shartlarni saqlab qolish imkonini beradi.

2026-yil 2-sentyabr soat 00:00 ga qadar berilgan arizalar uchun, agar BTP ushbu sanadan keyin ochilsa ham, kafolatlangan mukofotning oldingi miqdorlari amal qiladi. 2026-yil 2-sentyabr soat 00:01 dan keyin ro‘yxatdan o‘tkazilgan arizalar uchun yangilangan to‘lov miqdorlari qo‘llaniladi:

• 15 000 000 so‘m – birinchi segmentda (Toshkent shahri);
• 11 600 000 so‘m – ikkinchi segmentda (yirik shaharlarda);
• 9 000 000 so‘m – uchinchi segmentda (boshqa aholi punktlarida).

Kafolatlangan mukofotning yangi miqdorlari va hamkorlik ofertasidagi o‘zgarishlar bilan havola orqali tanishishingiz mumkin.

Uzum Market hamkorlar uchun ish sharoitlarini modernizatsiya qilish va mamlakat hududlarini kengroq qamrab olish uchun buyurtmalarni topshirish punktlarining franshiza tarmog‘ini rivojlantirishda davom etmoqda.

Reklama huquqlari asosida