Uzum Market FBS sxemasi bo‘yicha buyurtmalarni bekor qilganlik uchun jarimalar hisoblash qoidalarini yangilamoqda

2026-yil 19-iyundan boshlab Uzum Market'da FBS sxemasi bo‘yicha buyurtmalarni bekor qilganlik uchun jarimalarni hisoblashning yangilangan qoidalari kuchga kiradi. O‘zgarishlar sotuvchilar uchun shartlarni yanada sodda va shaffof qilishga qaratilgan.

Ilgari jarima miqdori buyurtma yaratilganidan keyin qancha vaqt o‘tgach bekor qilinishiga bog‘liq edi. Yangilanishdan so‘ng jarimalarni hisoblashning yagona tartibi amal qiladi.

Yangi qoidalarga ko‘ra:

• buyurtma yaratilganidan keyin dastlabki 24 soat ichida bekor qilinsa, jarima hisoblanmaydi;
• buyurtma 24 soatdan keyin bekor qilinsa, jarima miqdori buyurtma summasining 9%ini tashkil etadi;
• jarimaning eng kam miqdori — 10 000 so‘m;
• jarimaning eng yuqori miqdori — 360 000 so‘m.

Yangi qoidalar kuchga kirgandan keyin barcha bekor qilingan buyurtmalarga nisbatan qo‘llaniladi. Batafsil ma’lumot bilan havola orqali tanishish mumkin.

Shuningdek, 2026-yil 19-iyundan boshlab Uzum Market sotuvchisi yo‘riqnomasiga o‘zgartirishlar kiritiladi. 5.9-band «Tovar xususiyatlari» yo‘riqnomadan chiqarib tashlanadi, «Hayvonlar» toifasidagi tovarlar uchun majburiy xususiyatlar to‘g‘risidagi ma’lumotlar esa 5.6-bandga ko‘chiriladi.

Uzum Market sotuvchilar uchun imkoniyatlarni kengaytirish va platformada ishlash sharoitlarini takomillashtirishda davom etmoqda.

Reklama huquqlari asosida