Uzum Market sotuvchilar uchun mablag‘ chiqarish tartibini yangilamoqda

2026-yil 7-apreldan Uzum Market'da sotuvchilar uchun mablag‘larni yechib olish shartlari o‘zgaradi. Endi mablag‘larni yechib olish yangi model bo‘yicha - to‘lovlar jadvalini tanlash imkoniyati bilan va tanlangan variantga qarab komissiya qo‘llash orqali amalga oshiriladi.

Bepul asosiy to‘lov jadvalidan tashqari, ko‘proq tez-tez mablag‘ o‘tkazishni ta’minlovchi pullik variant ham mavjud bo‘ladi. To‘lovlar avtomatik tarzda amalga oshiriladi — sotuvchilarga endi mablag‘ chiqarish uchun qo‘lda so‘rov yuborishga ehtiyoj qolmaydi.

Quyidagi to‘lov jadvallari mavjud bo‘ladi:

• Oyda bir yoki ikki haftada bir marta — bepul (asosiy jadval, oyda ikki martalik to‘lovlar avtomatik ravishda ulanadi, lekin davriylikni tanlash mumkin);
• Har hafta — chiqariladigan summaning 1% komissiya bilan (ixtiyoriy xizmat, sotuvchining shaxsiy kabinetida ulash mumkin).
• Har ish kunida — yechib olish summasining 1,5% miqdorida komissiya (ixtiyoriy xizmat, uni sotuvchining shaxsiy kabinetida tanlash mumkin);
• Shoshilinch yechib olish — yechib olish summasidan 2,5% komissiya (ixtiyoriy xizmat, uni shaxsiy kabinetda tanlash mumkin).

Shunday qilib, sotuvchilar o‘z shaxsiy kabinetida to‘lovlar chastotasini mustaqil tanlashlari mumkin — bu biznes ehtiyojlariga qarab amalga oshiriladi.

2026-yil 7-aprelgacha yechib olish mumkin bo‘lgan mablag‘lar Uzum Market'ning barcha sotuvchilariga ularning bank hisob raqamlariga yangi model bo‘yicha komissiya ushlab qolinmasdan to‘liq hajmda to‘lanadi.

To‘lov shartlari va jadvallari bilan havola orqali batafsil tanishishingiz mumkin.

Reklama huquqlari asosida