Toshkentdan vodiy tomon harakatlanish ikki kunga cheklanadi
Toshkentning Bektemir tumanidan o‘tuvchi A373 “Toshkent–O‘sh” avtomobil yo‘lining Chirchiq daryosi ustidagi ko‘prigida ta’mirlash ishlari sabab ayrim yo‘nalishlar vaqtincha o‘zgartiriladi.
1 daqiqa o‘qiladi
Toshkentning Bektemir tumanidan o‘tuvchi A373 “Toshkent–O‘sh” avtomobil yo‘lining Chirchiq daryosi ustidagi ko‘prigida ta’mirlash ishlari sabab ayrim yo‘nalishlar vaqtincha o‘zgartiriladi.
28-oktyabr soat 08:00 dan 30-oktyabr soat 08:00 gacha poytaxtdan vodiy tomon harakatlanish yopiladi.
Shu davrda Toshkentdan Ohangaron shossesiga chiqish uchun haydovchilar D001 “Toshkent halqa avtomobil yo‘li”ning 47-kilometrida joylashgan Rohat aylanma yo‘lidan Qo‘yliq tomonga yo‘naltiriladi.
Yuqorichirchiq tumanidan poytaxtga kirayotgan transport vositalari esa D012 avtomobil yo‘lining 6-kilometridan Yik-ota va Farg‘ona yo‘li yo‘nalishi orqali harakatlanadi.
Haydovchilardan safar vaqtini oldindan hisobga olish, yo‘nalishlarni rejalashtirish va vaqtinchalik yo‘l belgilariga rioya qilish so‘raldi.
