Telegram, WhatsApp, Discordda uzilishlar, Vikipediyaga esa umuman kirib bo‘lmayapti

O‘zbekiston hududi bo‘ylab Telegram tarmog‘ida uzilishlar kuzatilmoqda. Eng katta onlayn ensiklopediya — Vikipediya sahifalarini esa umuman yuklab bo‘lmay qoldi.

Faqatgina VPN bilan

Platformalarga faqat VPN orqali kirish imkoni mavjud. Shuningdek, Rossiyaning ayrim hududlari va Qozog‘iston Respublikasida ham tarmoq bilan bog‘liq muammolar borligi aytilmoqda. Bu orada media-texnolog Ramil Xarisov yaqin kelajakda VPN xizmatlarining o'sishini taxmin qildi. “Masalan, hozirda Telegram VPNsiz ishlamayapti. Shuningdek, WhatsApp ham. Biroq VPN orqali hammasi yaxshi. Kimdir yana nimanidir tekshirayotganga o‘xshaydi... Biz suveren internetni kutyapmizmi?)”, — dedi Xarisov.

Rossiyada qator uzilishlar

Shuningdek, Discord, Steam, Twitch, Rostelecom va Sboy.rf veb-sayti foydalanuvchilarining rus segmenti uzilishlar haqida xabar qilishgan. Bundan tashqari, shimolda Vikipediya bir qator qurilmalarda yuklashni to'xtatgan.

WhatsApp ham ishlamayapti

WhatsApp messenjeri ham ayni damda uzilishlar bilan faoliyat ko‘rsatyapti. Quyidagi rasmda Telegram'ning 21-avgust kuni boʻyicha uzilish grafigi keltirilgan. Kuzatish mumkinki, Toshkent vaqti bilan soat 16:00 da(Moskva vaqti bilan 14:00 da) platformaga toʻgʻridan toʻgʻri ulanish deyarli toʻxtab qolgan.

Endigi suratda esa Telegram'ning hududlar boʻyicha ishlamaslik foizi keltirilgan. Rossiyada Telegramdan tashqari boshqa koʻplab tarmoqlar va onlayn servislar faoliyatida uzilishlar yuzaga kelgan. Avvalroq, mamlakatda Youtube platformasining bloklanishi ortidan Oʻzbekistonda ham Youtubeʼga ulanish sekinlashgan sezilgan edi. Rasmiylar Rossiyadagi bloklashlar Oʻzbekistonga taʼsir qilmasligini ta'kidlangan.